Yohanes 5:16 - Allah Wene Hurumbik Keron

¹⁶ Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Yohanes 5:16 ပူးပေါင်းရင်းမြစ်များ

Matius 12:13

Yig isaruk apareg, eke fobik ap etno yig ituk wilil, “Hinggik bung himin-o,” ulug yig ituk apagma, bung haruk apareg, inggik misig fanowon etno ilitoho fano apag.

Markus 3:6

Fano atuk apagma, it Farisi ap epmano it Herodiani ap inim o Allah wene uruk ambeg etnowen dulum-at wilip atuk apareg, ap du keroho wabuhuk-o ulug wene baltuk apag.

Lukas 6:11

Fano atuk apagma, it epmano inasine atuk apareg, inune fog fog uruk wilil, “Niren At Yesus keroho dag seko umbuk-o,” ulug uruk apag.

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 10:39

Yig isaruk apagma, it epmanowen fobik inim-at ebe senebuog ulug sebahon oke, ininggikmuen wilip apag.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 5:10

Lebag etno o hari Sabat fam laruk apagma, it Yahudi ap epmanowen at ap fano sebahon etno yig ituk wilil, “O yoho hari Sabat ari fam laruk ahen du, wene duroho suruk amuk eke duroho suruk am fug ulug yig nisebahon etno wereg heheg, hesabul nohorukon etno yinggiloko holalug lao ari hai-o,” ulug yig epag.

Yohanes 5:13

ulug yig ituk apagma, At Yesus etno it aphe obog wonggaloko welapahon epmano sohorep isalug lebareg fam, eke at ap fano sebahon etnowen yig ituk wilil, “An ap fano nabehekon ebe inuk du ulug napeleg-o,” ulug yig isebag.

Yohanes 5:15

Yig ituk apagma, at ap etnowen At Yesus ebe sohorep isalug, it Yahudi ap epmano yig isaruk wilil, “Ap an fano nabehekon etno inuk Yesus at-o,” ulug yig isebag.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Yohanes 7:21

Yig ituk apagma, At Yesusen yig ituk wilil, “An yabuk misig etno-at sirikikon ari farim, hit obohen wi ulug fog suruk ahep-o.

Yohanes 7:25

Yig isaruk apagma, it Yerusalem aphe nin epmanowen uruk wilil, “It Yahudi aben ap misig wabuog ulug suruk ari, ap ebe du wabuog ulug suruk-o.