Yohanes 5:15 - Allah Wene Hurumbik Keron

¹⁵ Yig ituk apagma, at ap etnowen At Yesus ebe sohorep isalug, it Yahudi ap epmano yig isaruk wilil, “Ap an fano nabehekon etno inuk Yesus at-o,” ulug yig isebag.

Yohanes 5:15 ပူးပေါင်းရင်းမြစ်များ

Markus 1:45

Lahapfuruk apagma, ambeg epmanowen wilip atuk apareg, yig isaruk wilil, “An etno arat fano nabehek-o,” ulug it aphe epmano yuhun-at weregma, yig isil lebag etno fam, At Yesus etno aphe wereg ambeg inibam o silimu epmano kebag fug. Akeleg-at o isinggama epmano weregma it aphe o ahik ya da epmanowen ambeg wonggalik wapag.

Yohanes 1:19

Eke fobik it Yahudi ap o Yerusalem welapahon epmanowen it Allah unde nin inim, eke it Lewi ap epmano nin inim, at Yohanes ambeg lahap isaruk apagma, it epmanowen at Yohanes etno yig ituk wilil, “Hat hebe sa ilitoho welahen-o?” ulug yig ituk apagma,

Yohanes 4:29

“Ap misig anden yiroho diroho suruk atikikon epmano obog-at bukaloko yig nerehekon dina hinilanggen halihiben maniek-o. At ebe Kristusen-at yig nerehek ano?” ulug yig isaruk apareg,

Yohanes 5:10

Lebag etno o hari Sabat fam laruk apagma, it Yahudi ap epmanowen at ap fano sebahon etno yig ituk wilil, “O yoho hari Sabat ari fam laruk ahen du, wene duroho suruk amuk eke duroho suruk am fug ulug yig nisebahon etno wereg heheg, hesabul nohorukon etno yinggiloko holalug lao ari hai-o,” ulug yig epag.

Yohanes 5:12

Ariroho yig isaruk apagma, it epmanowen yig ituk wilil, “Hat ap inuk sen hesabul nohorukon yinggiloko holalug lag yig herehek-o,”

Yohanes 5:16

Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Yohanes 9:15

Imbik laruk apagma, it Farisi ap etnowen ap etno yig ituk wilil, “Hat hilanggen keroho fenggen aha-o?” ulug unema hinog webag. Hinog waruk apagma, eke at etnowen yig isaruk wilil, “Aren kwean etno owasup fam wiogsoho nilanggenma denggeksepfuruk ahama, nolohore ikma ho suruk ahimu, nilanggen etno fenggen aha-o,” ulug yig isebag.

Yohanes 9:25

Yig ituk apagma, at etnowen yig isaruk wilil, “At obabut dag surukon ano, fano surukon ano, an napeleg oke, an nilanggen bug weregma fenggenep nahakekon alem ari-at niluk-o,” ulug yig isebag.

Yohanes 9:30

Yig ituk apagma, at ap etnowen yig isaruk wilil, “Hit wene ariroho uruk ahep ari, urunanggeroho uruk ahep-o. An nilanggen etno Aren-at fenggenep nahakekon oke, eke hiren epmen waharisi ulug ninapeleg ehep-o.

Yohanes 9:34

Ariroho yig isaruk apagma, iren onggo yig ituk wilil, “Hat hebe bilin hikni hisina hinim dag-at suruk wilil endag atuk senahon etno hanggog atikinteg, haren nit yanggul nisiog ulug suruk ahen ano?” ulug yig isaruk apareg, o Allah wene uruk ambeg epmanowen muko wilipfebag.