Yohanes 4:9 - Allah Wene Hurumbik Keron

⁹ It epmano arat lebareg wereg iseheg, at Samaria hwe etnowen Yesus etno yig ituk wilil, “Hat it Yahudi ap-at oke, an Samaria hweap nambeg ik naminen honang nimin ulug yig nituk ahen ari keroho ulug uruk ahen-o?” ulug yig epag. Ariroho yig epag ari, it Yahudi ap inim, it Samaria ap inim ik oag misihon fam dambuksoho naruk apag fug etno fam ariroho yig epag.

Yohanes 4:9 ပူးပေါင်းရင်းမြစ်များ

Matius 10:5

Minduhup isaruk apareg, eke fobik At Yesusen lahap isiog ulug inesanggo watuk wilil, “Hit o Samaria epma, it Allah wene waruk elehon wereg ambeg epmano la fug-o.

Lukas 10:33

Laruk apagma, eke at ap Samaria ap misig kwalema waharuk wilil, ap etno ilanggen haruk apareg, indi famen ahmu haruk wilil, ambeg lebag-o.

Yohanes 4:27

Ariroho yig ituk apagma, At Yesus omini epmano iniog suhuluk waharuk apareg, inahla buruk wilil, wi, At Yesus etno hwe du inim wene baltuk-o, ulug fog suruk apahon oke, it epmanowen at hwe etno, “Hat nongge kino uruk ahen-o?” ulug yig ereheg, eke At Yesus etno, “Hat keroho ulug hwe du hinim wene baltuk ahep-o,” ulug yig iseheg eleg-at welapag.

Yohanes 8:48

Ariroho yig isaruk apagma, eke it Yahudi ap etnowen yig ituk wilil, “Niren hat hebe Samaria ap wilil, setan hindimu welahen ulug yig hitukuk etno demat yig hitukuk hehe-o,” ulug yig epag.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 10:28

yig isaruk wilil, “Nit Yahudi ap Allah wene waruk aheon epmano it aphe Allah wene waruk elehon inambeg lao hai oke, Allahen yi aphe di aphe inambeg lao ari usa eleg-o, ulug yig nitisi-o.

Kisah Para Rasul 10:32

Ariroho iluk atisireg fam, haren ap misig inuk Simon Petrus o Yope ap Simon wam ahap denetukon ibam ik ayegma inim wereg epmano wamag ulug yonggo lahap isin-o,’ ulug yig nitisimu,