Yohanes 4:6 - Allah Wene Hurumbik Keron

⁶ Ariroho weregma, bilin at Yakuben ik hulilfag ambeg etno At Yesus waharuk wilil, kwalem wapahonen sat anggolo atuk apagma, ilingge jam dua belas fam ik hulilig ambeg etano horie ebag.

Yohanes 4:6 ပူးပေါင်းရင်းမြစ်များ

Matius 27:45

Yig ituk apagma, o ilingge bul jam dua belas fam o ahik ya da epma obog-at hup atuk apareg oke, eke jam tiga fam nin witebag.

Matius 4:2

Epmano lebareg, no­ho ing­gik empat puluh hari orom neng­geg eleg-at we­regma, fobik orom obok hebag.

Matius 8:24

Kuruk apareg weregma, hetnogsoho hiahne suon misig waharuk wilil, ik yenggelegma aplohok anggolo suruk apareg ik etno leko so fam sal ha wapag. Sal ha waharuk heheg, At Yesus etno nohobag.

Lukas 2:7

Fanggog uruk apagma, amloho manggia ap angge-at endepag. Endetuk apareg, o it aphe nohoruk ambeg epmano kolo elehen Udag etno sum fam yinggiloko wam inaharom umburuk ambeg e belareg etno fam embebag.

Lukas 9:58

Yig ituk apagma, At Yesusen yig ituk wilil, “Bak halug, inielma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Yohanes 11:9

Yig ituk apagma, eke At Yesus etnowen yig isaruk wilil, “O ilingge dua belas jam wereg hit hiniluk-o. Eke it yi aphe di aphe o ilingge laruk isalug, o seleg ari famen iniog salog malogsoho wataruk eleg-o.

Yohanes 4:12

Eke amuk at ninetamu Yakub etnowen ik du hulilip nisahabareg, at ebe inim, udaki inim, anggom inim ik du-at nebag-o. Ariroho nebahon oke, eke Haren at Yakub doron, An suon ulug uruk ahen ano?” ulug yig epag.

Yohanes 4:5

Waharuk apareg, o sili misig inuk Sikhar etno wapag. O Sikhar etno wen amig misig amuk at Yakuben amloho Yusuf og epag ambeg etno horog-at welapag.

Yohanes 4:7

Horie ebareg weregma, at Samaria hwe misig etno ik honanggiog ulug wapag. Waharuk apagma, At Yesus etnowen yig ituk wilil, “An ik naminen honang nimin-o,” ulug yig epag.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Ibrani 2:17

Eke ariroho inilioko imbisiog ulug wapareg fam, it apheyen dag surukon sohorep isiog ulug, At Allah unde inuk suon neken wilil, apheyen At obam ebebukag ulug fanoroho yig iseheg, eke inabua seheg suruk ariog ulug, At omini ilitoho-at inambeg waharuk apareg, suruk apag-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.