Yohanes 4:53 - Allah Wene Hurumbik Keron

⁵³ Yig ituk apagma, at ikni etnowen indi ebetuk wilil, “Wi, o sono At Yesusen hat hamloho iluk aha-o ulug ilingge jam satu fam yig nitisi etno demat-o,” ulug indi ebetuk apareg, at inimen, eke it omini epmano inimen At Yesus etno demat yig nisaruk-o, ulug obam inindi ebetuk apag.

Yohanes 4:53 ပူးပေါင်းရင်းမြစ်များ

Matius 8:13

Yig isaruk apareg, At Yesusen ap inowe etno yig ituk wilil, “Hibam lamihinmu, hindi eberehenon etno ilitoho-at seg arikonma hilanggen hamihin-o,” ulug yig ituk apagma, inowe anggimbu etno ari sambit-at fano apag.

Lukas 19:9

Yig ituk apagma, At Yesusen yig ituk wilil, “Hat hebe Abraham etamu-at welahen halug, inili warukon etno o yoho hat hobam hombahaki-o.

Yohanes 4:51

Laruk apagma, kwalema epmano at anggimbu nin olohotma waharuk apareg yig ituk wilil, “Hat hamloho etno arat iluk atisi-o,” ulug yig ituk apagma, at ap etnowen yig isaruk wilil,

Yohanes 4:52

“At ebe jam ke fam iluk atisi-o?” ulug hinog yig isaruk apagma, it epmanowen yig ituk wilil, “Ebe o sono ilingge jam satu fam uk olok etno eleg atisi-o,” ulug yig epag.

Kisah Para Rasul 11:14

Lahap isamihinmu, at etno waharuk aruhureg, wene hat homini hinim hinili wawon etno yig hisaruk aruhu-o,’ ulug at Kornelius etnowen yig nitisi-o.

Kisah Para Rasul 16:15

Waruk atisimu, at inim eke at ibam werehon aphe epmano inim ikma belap inaptusa. Ikma belap inaptuk atusama, at hwe etnowen yig nisaruk wilil, “Hit demat hwe du Yesus wene eberoko waruk ulug buruk ahep halug, hit an ninim nibam epma welamuhuken maniek,” ulug une oag weregsoho yig nisaruk atisimu, o epma ninim welatukuk.

Kisah Para Rasul 16:34

Ikma belap inaptuk atusama, it Paulus Silas inim at ibam welamag ulug og inaplug larisireg, inaharom menag isarisi. Ariroho inim wilil, “Nit Allah wene wehe-o,” ulug at omini inim inahientoho welatusa.

Kisah Para Rasul 18:8

Eke at Krispus o Allah wene uruk ambeg aso werehon etno Allah wene eberoko waruk atisimu, it omini uma werehon epmano inim-at eberoko warusa. Waruk atusama, it Korintus aphe anggolo nin inim Allah wene inesanggo holtuk wilil eberoko waruk atusama, ikma belap inaptisi.

Kisah Para Rasul 2:39

Ikma belap hinaptuk amukonma, bilin At Allahen Roh Kudus og hisahuk ulug ebahon hinobam belabik warikon-o. Eke At Allahen og hisahuk ulug ebahon etno hit inim, hinudaki inim, it yatmon At Ninikni Allahen wol inaptukon inim obog-at og hisahuk ulug ebag-o,” ulug at Petrusen yig isebag.