Yohanes 4:48 - Allah Wene Hurumbik Keron

⁴⁸ Yig ituk apagma, At Yesusen yig ituk wilil, “Hit obohen An elalintoho sukfugangge suruk ahion epmano hinilanggen neahup fug halug, demat ulug ebebuhup fug-o,” ulug yig epag.

Yohanes 4:48 ပူးပေါင်းရင်းမြစ်များ

Matius 16:1

Eke fobik it Farisi ap eke Saduki ap nin inim, At Yesus ambeg wapag. Waharuk apareg, At Yesus enggali wabuog ulug yig ituk wilil, “At Allah hinim welahep halug nit ninahla bulen sukfugangge misig sin-o,” ulug yig epag.

Matius 24:24

Eke it ap werlekonen an Kristus-at-o, an nebe nabi ap Allah wene yig isaruk ahion at-o, ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano seheg, eke it sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o.

Matius 27:42

“Ap du aphe inili waruk atision oke, eke enggareg hag ili holao hai atuk-o. At ebe etno it Israel ap Inowe suon eleg ulug uruk ahep ano? Eke At ebe kidia onggarehen e famen loloko ambik waharuk halug, niren demat ulug obam ebebul-o.

Markus 13:22

It ap werlekonen, ‘An Kristus at-o. An Allah wene yig isaruk ahion at-o,’ ulug inenggal-at il waharuk amuhupseg, it apheyen demat ulug inindi ebebukag ulug fog inabukon epmano at seheg, eke sukfuganggeroho seheg suruk wilil, yig isaruk amuhup-o. Ariroho yig isaruk wilil, it Allah udaki fuloko imbisebahon epmano inim-at inindi kahal inabul ano ulug inahla buruk amuhupseg, suhup-o ariroho suhup ari, hit hinindi fanoroho yaha welamuk-o.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Lukas 16:31

Yig ituk apagma, eke at Abrahamen yig ituk wilil, ‘Eleg-o, it at Musa inim eke nabi ap epmano inimen ebahon etno inesanggo holtuk eleg isalug, eke at ap waratision misig iluksoho minaruhureg yig isarukmu, holuhup fug at-o,’ ulug at Abraham etnowen yig epag-o,” ulug At Yesusen yig isebag.

Yohanes 12:37

Herag apareg fam, it Yahudi ap epmano inil fam sukfugangge anggolo suruk apahon oke, it ninen At obam ebereheg eleg-at welapag.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 2:18

Inindi ebetuk apareg, it Yahudi ap epmano waharuk apagma, At Yesus hinog yig ituk wilil, “Hat ariroho suruk ahen ari, At unde wilil suruk ulug ninahla buhuken sukfugangge misig simihin ano?” ulug yig ituk apagma,

Yohanes 20:29

Yig ituk apagma, At Yesusen yig ituk wilil, “Hat An nobam hilanggen neyehen etno, demat ulug ebetuk ahen oke, eke it aphe nin fobik An nebe inilanggen nealug eleg-at inindi demat ulug ebetuk amuhubon epmano inahien haruk amuhup-o,” ulug yig epag.

Yohanes 4:49

Yig ituk apagma, at inowe etnowen yig ituk wilil, “Nowe-o, an namloho awan waratuk elegma dia, ninim lul-o,” ulug yig ituk apagma,

Kisah Para Rasul 14:3

Inindi kahaltuk apagma, it mondep isebahon epmano o epma ininggik anggolo inim wilil, At Yesus wene etno inakol elegsoho yig isebag. Yig isaruk iseheg, At Yesus etnowen iren urukon demat inahla bukag ulug inoag weregsoho imbisaruk apagma, elalintoho sukfugangge suruk apag.

Kisah Para Rasul 15:12

Yig isaruk apagma, it Barnabas Paulus etano At Allah inim sil nuruk wilil it Allah wene waruk eleg ambehen elalintoho sukfugangge sebahon epmano dindiloko yig isarukmu, inune eleg-at inesanggo holfag.

Kisah Para Rasul 2:19

Eke fobik boholma anduhunmuen sukfugangge suhuk-o. Eke kweanma apmen elalintoho suhuk-o. Mep inim, hondok inim, hondok sohole inim belabik waruhuk-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Kisah Para Rasul 2:43

Suruk apareg weregma, it Yesus omini mondep isebahon epmanowen elalintoho sukfugangge suruk apagma, it obohen wi ulug fog suruk apag.

Kisah Para Rasul 4:30

Eke Hat hinggik fam fano inaptuk wilil, At hanggimbu fanowon Yesus etno inuk fam elalintoho sukfugangge suruk amin-o,” ulug sembahyang ebag.

Kisah Para Rasul 5:12

It mondep isebahon epmanowen sukfugangge seheg, eke inakol werehon seheg sil nurukmu, it Allah wene warukon epmano at Salomo asok elma epmano wonggalik laruk apag.

Kisah Para Rasul 6:8

Nin eke at Stefanus etno At Allah ahien obam umburukmu, oag weregsoho sil nuruk wilil, elalintoho sukfugangge sil nuruk apag.

Kisah Para Rasul 7:36

Yig ituk apagma, at Musaen it Israel ap epmano o Mesiren og inaplug wilip isaruk apareg, o Mesir inim, ik suon Laut Merah etno inimen sukfugangge suruk wilil, it inim o limu aphe eleg ambeg epmano empat puluh tahun welapag.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.

1 Korintus 1:22

Eke it Yahudi ap epmanowen inindi ebebuog ulug iren sukfugangge misig simin-o ulug uruk-o. Eke it Yunani ap epmanowen it kweanmonen ninindi wereg ulug inune urukon epmano heaharuk ahe ulug urukon oke,

2 Korintus 12:12

Eke hiren at Paulus demat wene yig isil nuruk amag ulug mondepfebag-o ulug hinahla bukag ulug, an nebe hit ninim nindi seberoho wilil, inakol hawon etno seheg, eke sukfuganggeroho seheg, eke elalintoho seheg suruk atikik-o.

2 Tesalonika 2:9

Eke at ap dahon etno waharuk wilil, at setanen oag werehon etno og itukmu, elalintoho enggal-at sukfugangge neken suhu-o.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.