Yohanes 4:34 - Allah Wene Hurumbik Keron

³⁴ eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Yohanes 4:34 ပူးပေါင်းရင်းမြစ်များ

Matius 26:39

Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.

Matius 3:15

Yig ituk apagma, At Yesusen yig ituk wilil, “Eleg-o, eke ariroho ehenteg oke, wene duroho suruk amuk eke duroho suruk am fug ulug ebahon etno ilitoho suk ari fano-o,” ulug yig ituk apagma, une eleg atuk apareg, Yesus ikma belapag.

Matius 9:19

At Yesus minatuk apareg, omini epmano ap etno inim mutlug lebag.

Lukas 15:10

it Allah malaikat epmanowen at dag surukon misig ioba yatuk atlug indi wereg atuk halug, inahien haruk-o,” ulug At Yesusen yig isebag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Lukas 2:49

eke At etnowen yig isaruk wilil, “An Nikni ibam duma welahi etno hit hinapelehen heag nabil lahep ano?” ulug yig isebag.

Yohanes 17:4

Eke Anden o kweanma duma Hat hinuk suontep haharikik-o. Suontep haharuk wilil, yabuk sukag ulug ninggikmu imbirikinon etno arat sirikik-o, Nikni.

Yohanes 19:28

Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Yohanes 19:30

Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.

Yohanes 4:32

At etnowen yig isaruk wilil, “An hiren ebe naruk hinapelehon etno-at naruk ahi-o,” ulug yig isebag.

Yohanes 5:30

At Yesusen yig isaruk wilil, “An nonggarehen yi angge di angge suk ari hai-o. At Allahen yig nituk halug, aphe oag del inaptuk wilil, fanoroho-at oag del inaptuk ahi-o. Eke ari halug, An nahla burukon etno ilitoho suk sohorep isalug, At Nikni lahap nabik waharision etnowen ahla burukon etno-at ilitoho siog ulug suruk ahi-o.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Yohanes 6:33

Eke orom roti At Allahen og hisaruk ari, At misig boholmen ambik watlug, it aphe kweanmon iniluk inaptukon etno-at og hisaruk-o,” ulug yig isebag.

Yohanes 6:38

Eke An nebe etno At lahap nabik waharision etnowen ahla burukon etno-at ilitoho suruk ariog ulug boholmen ambik waharikik-o. Ariroho ambik waharikik ari, An nindien kahaloko suruk ariog ulug ambik waharikik fug-o.

Yohanes 8:29

Eke An nebe At lahap nabik waharision etno ninim welahe-o. Eke Anden At ahien hawon etno-at suruk nealug, aren sohorep naharisi fug-o,”

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.