Yohanes 4:19 - Allah Wene Hurumbik Keron

¹⁹ Ariroho yig ituk apagma, eke at hwe etnowen yig ituk wilil, “Hat hebe nabi ap Allah ahurumbik yig isarukon-at hiyihi-o, Nikni.

Yohanes 4:19 ပူးပေါင်းရင်းမြစ်များ

Matius 21:11

“Ap du At Yesus o Galilea Nazaret ap etno Allah wene yig nisa waharision etno ebe du at-o,” ulug uruk apag.

Lukas 24:19

eke At Yesus etnowen yig isaruk wilil, “Keroho surusama ehen-o?” ulug yig isaruk apagma, eke at etnowen yig ituk wilil, “At Yesus Nazaret ap watuson etno farim uruk ahe-o. Eke At ebe etno nabi ap Allah wene yig nisarukon wilil, At Allah il fam inim, eke it aphe inil fam inim sukfugangge suruk wilil, yanggul nisarisi-o.

Lukas 7:16

Og ituk apagma, it aphe obog epmano inakolen suruk apareg, uruk wilil, “Kidia ap nabi suon misig ninanggelegmen minaha etno nit At Allah udaki obog ninili wawag ulug At Allahen belap nisa waha-o,” ulug it obohen At Allah inuk suontepfebag.

Lukas 7:39

Delepfuruk apagma, at Farisi ap Yesus ninim nulen ebahon etnowen ilanggen haruk apareg, ahla buruk wilil, “Ap du demat Allah wene yig isarukon hahen, hwe ambusu iog anggulmu delehekon du dag surukon ulug Aren iluk welatlep-o,” ulug ahla bebag.

Yohanes 4:18

Bilin hahuni inebe fuaben angge oho welatikinon oke, at ap kidia hinim welahep etno hahun neken hinim oho welahep fug-o. Haren nahun eleg ehen ari demat ehen-o,” ulug yig epag.

Yohanes 4:29

“Ap misig anden yiroho diroho suruk atikikon epmano obog-at bukaloko yig nerehekon dina hinilanggen halihiben maniek-o. At ebe Kristusen-at yig nerehek ano?” ulug yig isaruk apareg,

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 7:40

Ariroho yig isaruk apagma, it aphe wonggalik wapahon nin epmanowen inesanggo holtuk apareg uruk wilil, “Ap nabi ap misig fobik waruhu ulug hurumbik yig nisebahon etno ebe du-at hehe-o,” ulug uruk apag.

Yohanes 9:17

Ariroho wilil, it Farisi ap etnowen ap etno fobik dahagsoho yig ituk wilil, “Hat nilanggen fenggenep nahakek ehen ari, haren At awene etno keroho yig nisamihin-o,” ulug yig ituk apagma, at etnowen yig isaruk wilil, “At ebe nabi ap Allah wene hurumbik yig isarukon-at hihi-o,” ulug yig isebag.