Yohanes 4:1 - Allah Wene Hurumbik Keron

¹ Eke fobik it aphe nin epmanowen uruk wilil, “At Yohanes hag aphe dorat ikma belap inaptuk-o, eke At Yesus etno hag it obohen At une waruk isalug, obog-at ikma belap inaptuk-o,” ulug ariroho uruk apahon oke,

Yohanes 4:1 ပူးပေါင်းရင်းမြစ်များ

Lukas 1:76

Eke hat namloho du hag, Ninikni Allah suon anggimbu ulug yig hituk amuhup-o. At Ninowe wamon etno hat bilin lalug, onggalem yatuk aruhun-o.

Lukas 19:31

Loltuk atlihipmu, it aphe epmanowen, ‘Hit wam kumbi keroho ulug loltuk ahep-o?’ ulug yig hisaruk isalug, hiren nit, ‘At Ninowe etno nanggom elehen keledai misig wak aliek-o,’ ulug yig nisehekma loltuk ahe-o, ulug yig isimuk-o,” ulug yig isebag.

Lukas 19:34

Yig isaruk apagma, it epmanowen yig ituk wilil, “At Ninowe wam du fam laminen ulug uruken loltuk ahe-o,” ulug yig ituk apareg, wam keledai etno At Yesus ambeg walug wapag.

Lukas 2:11

Ari kidia dia At hinili wahuon etno o Daud welapag ambeg epmano endag aha-o. At Ninowe inuk Kristus at-o.

Lukas 7:13

At Yesus etno ilanggen haruk apareg, indimuen ahmu atuk apagma, udag warapahon isina etno yig ituk wilil, “Hat ioba yabuk fug-o,” ulug yig epag. Yig ituk apareg, At ebe it ap warehon walug wapahon epmano inambeg lebag.

Lukas 7:19

at Yohanesen omini biren wol isaruk apareg, yig isaruk wilil, “Hit At Yesus ambeg lalihipseg hinog waruk wilil, ‘At Yohanesen ap suon misig waruhu ulug hurumbik yig nisebahon etna Hat-at ano, eke misig fobik waruhumu aso welahe ano?’ ulug At Yesus hinog yig irik aliek-o,” ulug at Yohanesen lahap isaruk apagma, it epmano At Yesus ambeg wapag.

Yohanes 3:22

Eke fobik, At Yesus omini epmano inim o Yudea etno lebag. Lebareg epmano wilil, aphe ikma belap inaptuk apag.

Yohanes 3:26

Winimug aptuk apareg, fobik at Yohanes ambeg wapag. Waharuk apareg, yig ituk wilil, “Ninowe yanggul nisarukon wai, hat bilin ap misig hinim ik Yordan le femag wilil, At awene yig isaruk atikinon epmano hindi ebetuk ahen ano? At ap etno kidia aphe ikma belap inaptuk halug, it yi aphe di aphe obog At ambeg-at laruk-o,” ulug yig epag.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

1 Korintus 1:17

Eke anden aphe ikma belap inaptuk amag ulug At Kristusen lahap nabik wapag ari eleg-o. Wene fano wene etno-at yig isaruk aruhunen ulug lahap nabik wapahon oke, at e fam lenggaloko embebahon wene etno it inahlahairepfuk nowen ulug, it ap inindi werehonen inune uruk epmano hag yig isarikik fug-o. At Yesus Kristus inuk fam wene oag werehon etno-at yig isaruk ahi-o.

1 Korintus 15:47

Eke at ap bilinon etno alem kweanmon-at welapag-o, eke At fobikon etno alem boholmon-at wereg-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Yakobus 2:1

Nomini-o, hit At Ninowe inuk suon Yesus Kristus udaki welahep halug, ap hiren angge suon etno inuk suontepfeheg, eke ap aharek elehon etno inuk apmarepfeheg suk fug-o.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.