Yohanes 3:5 - Allah Wene Hurumbik Keron

⁵ eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 3:5 ပူးပေါင်းရင်းမြစ်များ

Matius 18:3

Minduhupfuruk apareg, yig isaruk wilil, “Hit hinahla fanoroho ebetuk amiek-o. Hit hinindi udag doron ari ilitoho welamuhup fug halug, At Allah weregma kuhup fug-o.

Matius 19:24

Eke misig du yig hisamin-o. Wam unta etno ahin ele doron fam kuk hai etno hag at ap aharek yi angge di angge anggolo werehon etno At Allah weregma kuk hai-o,”

Matius 21:31

Ari halug, it biren ariroho ebahon etno at sa hag iniknien yig isebahon etno ilitoho sebag buruk ahep-o?” ulug At Yesusen yig isaruk apagma, eke it etnowen yig ituk wilil, “At owe etno hag ilitoho sebag buruk ahe-o,” ulug yig epag. Yig ituk apagma, eke At Yesusen yig isaruk wilil, “Ari halug, Anden yig hisamin-o. It ap uang onggo kino urukon etno inim, eke it hweap yuhun-at wanggik surukon etno inimen hit hinebe fobiksep hisahalug, it dag bilin o Allah wereg ambeg epmano kuhup-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Matius 5:20

Eke it holal unde wereg epmano inim, it Fari­si ap inimen fanoroho surukon ari, we dorat fano suruk-o. Hit fano surukon ari suroho suruk eleg hisalug, boholma Allah we­regma lahup fug-o, ulug An demat yig hisaruk ahi-o,” ulug yig isebag.

Markus 10:14

Winimug yig isaruk apagma, At Yesus etno asine haruk apareg, yig isaruk wilil, “It udag doron epma An nambeg wamag-o. It udag doron epmano At Allah weregma welamuog ulug waharuk isalug, winimug yig isa fug-o.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Markus 9:47

Eke hinilanggenen dag suruk ahebon halug, femag fil huliloko imbiuk-o. Femag huliloko umbulug At Allah weregma kuk ari fano-o. Eke hinilanggen femag femag wereg halug, o hondok olokma hinombisahuk ari hai-o.

Lukas 13:24

“Hat sok ele doron etno fam kiog ulug suruk aruhun-o. Eke it aphe nin sok ele doron etno fam kulen ulug suhubon oke, hai aruhu-o, ulug demat yig hisaruk ahi-o.

Lukas 13:3

Eleg-o. Eke hit dag suruk atikibon epmano sohorep isalug hinindi wereg atuk eleg hisalug, it waratusa etno hag hit ariroho-at waramuhup-o.

Lukas 13:5

Ari eleg-o. Eke hit dag suruk atikibon epmano sohorep isalug, hinindi wereg atuk eleg hisalug, it waratusa etno hag hit ariroho-at waramuhup-o,” ulug At Yesusen yig isebag.

Yohanes 1:13

Ariroho yig isebag ari, it aphe kweanmon inudaki endag atuk etno hag, At Allah udaki ulug endag apag fug-o. At Inikni Allahen-at endag inapag-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:4

at Nikodemus etnowen yig ituk wilil, “Ap misig ebe anggog atlug ebe birenam endag am ehen ari keroho ulug ehen-o? At etno isina ahla lahalug, birenam endag am ulug ehen ano?” ulug yig ituk apagma,

Kisah Para Rasul 2:38

Yig isaruk apagma, at Petrus etnowen, “Hit hinakeleg hinakeleg dag suruk atikibon epmano sohorep isalihipmu, At Yesus Kristus inuk fam hinapelegsoho apma hinombisahukag ulug ikma belap hinabukag-o.

Kisah Para Rasul 3:19

Ariroho seg atision hiniluk wilil, hinindi wereg atuk amiek-o. Hiren dag suruk atikibon epmano sohorep isalug, At Allahen apma hinombisahukag ulug hiren seberepataruk amiek-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 8:2

Eke At Roh Kudusen yig nitukon etno fam At Kristus Yesus ninim dambuksep nisaharisireg nilukep naharisi-o. Eke ariroho nilukep naharisireg fam, alem dag surukon inim, waratukon inim nobam werehon epmano elehep naharisi-o.

1 Korintus 15:50

Eke alem du farim yig hisihi-o, nomini, ninebe ninahap kweanmon etno At Allah wereg ambeg kulug Aren angge etno holao ari hai-o. Eke filik atukon epmanowen dag atuk elehon etno holao ari hai-o.

1 Korintus 2:12

Eke At Allah indi hunduhuken og nisebahon etno niniluk amag ulug, nit it ap kweanmon inahurangge epmanowen og nisebag fug-o. At Roh Kudus belap nisa wapahon etnowen-at og nisebag-o.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Galatia 6:15

Eke iniyunggul ambilik balukon alem etno At Yesus Kristus waharuk wilil elehepfebareg fam, kidia ninebe inim, ninindi inim ketoho ninombisahukon etno alem suon neken wereg-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

1 Petrus 1:2

At Allahen indi bulug fuloko hinombisaharisi etno, At Allah Roh Kudusen hinindi fano hinabukag ulug, At Yesus Kristus une holtuk hisalug, At amep fam ho hinaptisi-o. Eke kidia At Allahen ahien hinobam umburuk amag ulug sembahyang uruk ahi-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,

1 Yohanes 2:29

At Kristus ari-at fanoroho suruk-o. Eke niren fanoroho suruk nisalug, Allah udaki-at welahe-o. Ari ihion etno hiniluk at-o.

1 Yohanes 5:1

Eke nin At Yesus ari Kristus ulug wapag-o ulug inahla ebetukon halug, Allah udaki-at wereg-o. Eke ikni indi hundutuk isalug at udaki ariroho-at inindi hun inaptuk-o.