Yohanes 3:36 - Allah Wene Hurumbik Keron

³⁶ Eke it yi aphe di aphe obohen At Amloho etno obam ebetuk isalug, iniluk welamon etno-at holaruk-o. Eke it nin At Amloho etno une inesanggo holtuk eleg wilil, iniluk welamon etno holaruk eleg isalug, At Allahen nintul nantul asine inobam umburuk aruhu-o,” ulug at Yohanesen yig isebag.

Yohanes 3:36 ပူးပေါင်းရင်းမြစ်များ

Matius 25:46

Ariroho yig isaruk aruhukmu, it epmano o hondok olokma initog mondog welam ambeg epmano-at lahup-o. Eke it inobabut fanowon epmano hag, o fanoma iniluk mondog welamuhup ambeg epmano-at lahup-o,” ulug yig isebag.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Lukas 2:30

At fano ninaptukon aphe obog inil fam fano seko ninombisaharikinon etno nilanggen arat hihi-o.

Lukas 3:6

Fobik At Ninowe Yesus ninili wahuon etno waharukmu aphe obog inilanggen hahup-o,” ulug at Yesayaen holal embebag etno ilitoho it yi aphe di aphe obog at Yohanesen ikma belap ninabukag ulug ambeg lebag.

Yohanes 1:12

It ap ninen ariroho At obam ebetuk eleg iseheg, it nin epmano hag At obam eberoko waruk apag. Eberoko waruk apagma, At etnowen hit At Allah udaki-at welamag ulug deloko hinombi saharuk ahi-o, ulug yig isebag.

Yohanes 10:28

Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 4:36

Eke it ap anggen baltuk isalug, onggo fanowon epmano og isaruk ari fam, anggen neken iniluk welamon etno-at holaruk-o. Ari halug, it ap i yatukon epmano inim, eke it anggen baltukon epmano inim obog dambuksoho inahien hahup-o.

Yohanes 5:24

Yig isaruk apareg, eke fobik yig isaruk wilil, “An wene demat urukon etno yig hisamin-o. Eke it obohen An nawene urukon etno inesanggo holtuk wilil, At lahap nabik waharision etno obam ebetuk isalug ari, iniluk welamon etno-at holaruk-o. Ariroho holaruk isalug, it inebe warehon ilitoho werehon epmano arat inilukep isarisireg fam, fobik oag deloko o dagma imbisahu fug-o.

Yohanes 6:58

Eke ari halug, orom roti boholmen ambik waharision etno ari An at-o. Orom roti ebe ari, it hinetamuki warapahon epmanowen naruk apahon etno ilitoho fug-o. It aphe nin orom boholmon etno naruk isalug, iniluk mondog-at welamuhup-o,”

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Kisah Para Rasul 14:2

Waruk apagma, eke it Yahudi ap nin wene du ninambit ulug ebahon epmanowen it Allah wene inapelehon epmano yig isaruk wilil, “Iren wene urukon wa fug-o,” ulug inindi kahaltuk apag.

Roma 4:15

Eke wene duroho suruk amuk eke duroho suruk am fug ulug ebahon etno wereg halug, At Allah asine inobam umburuk-o. Eke komo wene yig isebahon etno eleg halug, alem dahan fahan suruk amon etno inim-at eleg atuk-o.

Roma 5:9

Eke At ninake warapareg fam, alem dahon ninobam werehon etno elehep nisahabag halug, At Allahen asine ninobam umbuk nowen ulug ninili wahu-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

Galatia 3:10

Eke it obog Yahudi aben wene duroho suruk amuk eke duroho suruk am fug ulug ebahon etno suog ulug surukon ari wene homali neken inobam wereg-o. Eke ari halug, alem ari fam Alkitab etnowen yig nisaruk wilil, “It obog Yahudi aben wene duroho suruk amuk eke duroho suruk am fug ulug ebahon etno obogsoho suruk eleg isalug, wene homali etno inobam umburuk-o,” ulug ariroho yig nisebag halug, it aphe obog Yahudi aben wene duroho suruk amuk eke duroho suruk am fug ebahon etno ilitoho suruk isalug, etno fam At Allahen alem dahon inobam werehon epmano elehepfuhu fug-o.

Efesus 5:6

Eke ap misihen enggal yig hisaruk wilil, hinindi kahalik wam nowen-o. Eke it aphe Allah wene inesanggo holtuk eleg wilil, inenggal urukon epmano At Allahen asine inobam umbuhu-o.

1 Tesalonika 1:10

eke At Amloho Yesus aphe waratuk ambeg epmanowen iluksoho minduhupfuruk apagma, At Allah asineyen yig nisarukmu, dil ninapahon etno boholmen waharukim aso welahebon etno inim, it aphe obog iniluk wilil yig nisaruk-o.

1 Tesalonika 5:9

Eke At Allahen asine nisiog ulug imig ninapag fug-o. At Ninowe Yesus Kristus inuk fam ninili wawon etno holawag ulug imig ninapag-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Ibrani 3:18

Eke At Allahen An nahla buruk atikikseg nasineyen uruk wilil, it aphe du hag fobik o kelsahuk ambeg epma ninim kuhuk fug-o, ulug ebag ari, it sandeg farim ebag buruk ahep-o? Ari it At awene ninambit ulug ebahon epmano farim-at ebag-o.

Ibrani 3:19

Ariroho ebag ari, it etno inindimuen demat ulug eberoko webag fug etno fam o kelsaruk ambeg epma kuk hai apag hehe-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.