Yohanes 3:29 - Allah Wene Hurumbik Keron

²⁹ Eke hwe misig ahun etnowen-at uhwe holaruk-o. Eke at hwe etno ahun omini epmano inim dambuksoho wilil, at ahun etno une inesanggo holtug inahien haruk-o. Ari ilitoho at une etno nesanggo holtug nahien haruk ahi-o.

Yohanes 3:29 ပူးပေါင်းရင်းမြစ်များ

Matius 22:2

“O boholmen sukon etno ap inowe suon misihen sebahon inim ilitik-o. At ap inowe suon etno amloho uhwe holaruk wilil, onggo imbiug ulug surukmu, esoho misig eseriug ulug sebag.

Matius 25:1

Eke fobik At Yesusen yig isaruk wilil, “Fobik o ari sambit o boholma Allah weregmen sukon etno it holani nomaloen angge epmanowen sebag etno hag suhu-o. It holani epmanowen inaheral lampu ilitoho epmano holalug, at misig hwe onggo wiog ulug wapahon inim salkal uog ulug lebag-o.

Matius 9:15

At Yesusen yig isaruk wilil, “Ap misihen hwe warision omini inim waharuson epmano inim wilil, inindi dag atuk buruk ahep ano? Ari eleg-o. Eke fobik at hwe holarision etno walug laruk aruhumu, omini inim waharuson epmano orom nenggeg eleg-at bok welamuhup-o.

Lukas 15:6

ibam ombata laruk atisireg, omini epmano wonggal inaptisi-o. Wonggal inaptuk atisireg, yig isaruk wilil, ‘An nanggom domba nuk atision etno arat heag sihireg fam, ninim obog-at ninahien hul-o,’ ulug yig isarisi etno hag,

Yohanes 15:11

ulug Anden yi wene di wene obog-at yig hisihi ari, Anden hit nahien hisaruk nealug, hiren An hinahien nearuk amuhuben ulug yig hisihi-o.

Yohanes 16:24

Eke hit bilin An ninuk fam yi angge di angge kino irikip fuhon oke, kidia hag An ninuk fam kino uruk amuk ulug yig hisaruk ahi-o. Ari halug, hiren fobik hinahien anggolo haruk amuog ulug kino yig ituk amuhupmu, Aren og hisahu-o,” ulug yig isebag.

Yohanes 17:13

Eke An hambeg wariog ulug suruk ahion oke, kidia o kweanma duma wilil, it inindimu inahien anggolo haruk amag ulug yi wene di wene obog-at yig isarikik-o.

Yohanes 3:30

Eke At inuk hag suontepfuruk wilil, an ninuk seberepfuk ari fano-o,” ulug yig isebag.

2 Korintus 11:2

Eke At Allahen ahmu hisaruk etno hag, an ariroho-at nahmu hisaruk ahi-o. Eke hweap duhumon ap misig-at abug yig ituk etno hag, hit hinebe At Kristus-at og iruhuk ulug nahla buruk wilil, hinindi yabuk suruk ahi-o.

Filipi 2:2

Eke ari fam hinindi misig-at ebereheg, eke it hinomini hinim hinindi misig-at hunduhuk welaheg, eke hinobabut misig-at welaheg suruk hisalug, an nindi nahien hisahuk-o.

1 Yohanes 1:4

Eke nit obog ninindi ninahien hawag ulug, holal du baltuk ahe-o.

2 Yohanes 1:12

Nin anggolo yig humon wereg oke, anden hin fam holal baloko og hipmin fug-o, ari hambeg waruhukseg, nuneyen-at ninim wene uhuk-o. Nuneyen-at hat ninim uruk wilil, ninahiroho uhuk-o.

Wahyu 21:9

Eke fobik it malaikat inebe sabiren angge ik oag olokon senetuson etno at misig nambeg waharuk atisireg, yig nituk wilil, “At Yesus udaki welamuhup ambeg epmano yanggul hipminen ma-o,” ulug yig nitisi-o.