Yohanes 3:27 - Allah Wene Hurumbik Keron

²⁷ Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Yohanes 3:27 ပူးပေါင်းရင်းမြစ်များ

Matius 21:25

ulug yig isaruk apareg, hinog og inaptuk wilil, “At Yohanes aphe ikma belap inaptuk atisi ari, boholmen yig itision fam ikma belap inaptuk atisi ano, eke apheyen yig ituson fam ikma belap inaptuk atisi ano? Hit hiniluk halug, yig nimiek-o,” ulug yig isebag. Yig isaruk apagma, Aren wene yig isebahon etno fam irit uruk wilil, “Niren boholmen yig itision fam ikma belap inaptuk atisi-o, ulug yig ituk nisalug, eke Aren ariroho hiniluk oke, hiren at une etno eberoko weheg eleg welatikip ari, keroho ulug welatikip-o? ulug yig nisikon-o.

Matius 25:15

Inim imbisaruk wilil, at ap misig obam enggatoho surukon etno uang anggen anggolo lima ribu og ereheg, eke at ap misig uang anggen dua ribu og ereheg, eke at misig uang anggen seribu og ereheg suruk apareg, arat lebag-o.

Markus 13:34

Eke at ap misig o yatma liog ulug at osi epmano hit duma wilil ariroho suruk amuk-o, ulug fuloko imbisaruk atlug, hat misig o aso welahenon etno fanoroho aso-at welamuk-o, ulug yig isalug laruk etno hag, hit yaha fanoroho welamuk-o. At ibam unde wereg etno mo eta weregma waruhu ulug hinapeleg at-o. Hupmu waruhu ano, eke hubanggo waruhu ano?

Yohanes 10:41

Epmano weregma, it yi aphe di aphe obog At ambeg wonggalik waharuk apareg uruk wilil, “At Yohanesen bilin sukfuganggeroho suruk atisi fuhon oke, ap du ahurumbik yig nisaruk atision etno demat hehe-o,” ulug uruk apareg,

Yohanes 6:65

Ariroho iluk wilil, nin duroho yig isaruk apag, “Ari halug, Anden bilin yig hisaruk wilil, ‘Hit An nambeg wamon etno bilin Niknien og hisaruk eleg halug, hit hinonggarehen-at An nambeg wam ari hai-o,’ ulug yig hisarikik etno alem ari fam-at yig hisarikik-o,” ulug yig isebag.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 12:6

Eke ari halug, At Allahen ninabua nisaruk wilil, nineyabuk ninakeleg sik og nisarision epmano-at suruk amuk-o. Eke Allah wene etno yig isaruk amag ulug nineyabuk og nisarisi halug, niren demat ulug ninahla buruk aheon etno ilitoho-at yig isaruk amuk-o.

1 Korintus 1:1

At Allahen indi ebepahon etno fam Yesus Kristus wene yig isil nuruk amag ulug wol neyebahon etno an Paulus, nomin Sostenes ninimen wene holal du bal hisehe-o.

1 Korintus 12:11

Eke yi angge di angge obog og nisarukon epmano ilitoho suruk amag ulug At Roh Kudus misig etnowen-at og nisaruk ari, At ahla buluhen nit yi aphe di aphe nineyabuk dombog-at og nisaruk-o.

1 Korintus 15:10

eke Allah indi hunduhuken og nepahon etno fam an nebe mondep nahebahon-at welahi-o. Eke it nin mondep isebahon epmano yabuk dorat sebahon oke, eke an hag yabuk anggolo sirikik-o. Sirikik oke, ari an nakelehen eleg, At Allah indi hunduhuken nabua neyebag etno fam ninim yabuk surukuk-o.

1 Korintus 3:5

Eke at Apolos ari sa-o? Eke at Paulus ari sa-o? Eke At Ninowe inuk suon etnowen nineyabuk ninakeleg ninakeleg og nisebag etno fam, hiren Allah wene demat ebetuk amuhuben ulug yalmag hisaruk aheon etno ninebe du-at welahe-o.

1 Korintus 4:7

Eke hat hag ap sen hakeleg-at suon ulug ilanggen hearuk-o? Eke nongge hag og hitisi fug-o? Eke At Allahen obog og hitision oke, og hitisi fugmu neken, keroho ulug hat hinuk-at suontepataruk ahen-o?

Galatia 1:1

An Paulus wene yig isil lawag ulug ap misihen mondep nahabag fug-o, eke it apheyen minduhup naharusa fug-o, eke At Yesus Kristus inim, eke At Ninikni Allah, At Yesus Kristus aphe warehon wereg ambehen iluksoho minduhupfebahon etno inimen, wene yig isil lawag ulug minduhup naharusa-o.

Efesus 1:1

An Paulus, At Allah ahla buruk apareg, At Yesus Kristus awene yig isil lawag ulug mondep nahabahon etnowen, hit Allah udaki o Efesus epmen At Yesus Kristus obam ebetuk wilil At awene eberoko waruk ahebon epmano holal du bal hisihi-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.