Yohanes 3:26 - Allah Wene Hurumbik Keron

²⁶ Winimug aptuk apareg, fobik at Yohanes ambeg wapag. Waharuk apareg, yig ituk wilil, “Ninowe yanggul nisarukon wai, hat bilin ap misig hinim ik Yordan le femag wilil, At awene yig isaruk atikinon epmano hindi ebetuk ahen ano? At ap etno kidia aphe ikma belap inaptuk halug, it yi aphe di aphe obog At ambeg-at laruk-o,” ulug yig epag.

Yohanes 3:26 ပူးပေါင်းရင်းမြစ်များ

Matius 23:7

eke o onggo hundutuk ambeg epmano it apheyen heahi war ninabukag ulug sil laheg, eke it apheyen ‘Ninowe yanggul nisarukon wai,’ ulug yig nisawag ulug inahla beheg suk ari ninindi-o, ulug inindi ebetuk wilil, ariroho suruk-o.

Matius 23:8

Ariroho suruk oke, eke hit hag apheyen ‘Ninowe yanggul nisarukon’ ulug yig hisao ari hai-o. Hit obog nomin homin welahep etno fam, hinowe ebe misig-at wereg-o.

Yohanes 1:15

Ariroho weregma, eke fobik at Yohanesen hurumbik etno une suontoho yig isaruk wilil, “An nebe endag atuk elegma, At suon welapahon etno fobik nombolim waruhu-o, ulug yig hisarikikon epmano, At ebe du farim yig hisaruk atikik-o,” ulug yig isebag.

Yohanes 1:7

Lahapfuruk apagma, it aphe wene yig isebahon epmano it obohen inesanggo holtug eberoko wawag ulug yig isebag.

Yohanes 1:9

Ariroho yig isarukmu, at o seleg ebe etno o kweanma ambik waharuk apareg, it aphe obog inindimu selehap isebag.

Yohanes 11:48

Niren At ariroho suruk ari obam dombog at-o ulug senetuk eleg nisalug, it aphe obohen At obam ebetuk amuhupmu, it Roma ap suon epmano waharuk amuhupseg, o suon Allah ibam du mialepfeheg, eke nit obog war ninabeheg suruk amuhup buruk ahe-o,” ulug yig isebag.

Yohanes 12:19

Heahi war war uog ulug laruk apagma, it Farisi ap epmanowen irit uruk wilil, “Niren ariroho suhuk ulug ninahla buruk aheon etno hai aruhu hehe-o. It yi aphe di aphe kweanmon obohen At-at mutlug laruk isehe-o,” ulug uruk apag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 4:1

Eke fobik it aphe nin epmanowen uruk wilil, “At Yohanes hag aphe dorat ikma belap inaptuk-o, eke At Yesus etno hag it obohen At une waruk isalug, obog-at ikma belap inaptuk-o,” ulug ariroho uruk apahon oke,

Yohanes 4:2

At Yesus etno Aren aphe ikma belap inaptuk eleg heheg, it omini epmano inakelehen-at ikma belap inaptukmu, ebahon etno it Farisi ap epmanowen inesanggo holfag.

Yohanes 4:31

Waharuk apareg weregma, At omini epmanowen Yesus yig ituk wilil, “Ninowe yanggul nisarukon wai, Hat dot namihin ano,” ulug yig ituk apagma,

Yohanes 5:33

Eke hiren bilin it nin at Yohanes ambeg lahap isa waharuk atikipmu, aren wene demat urukon etno yig hisarisi-o.