Yohanes 3:25 - Allah Wene Hurumbik Keron

²⁵ Belap inaptuk apareg weregma, at Yohanes omini nin epmanowen it Yahudi ap inim winimug apag ari, alem yi angge di angge usaroho ulug ho surukon epmano fam inim winimug apag.

Yohanes 3:25 ပူးပေါင်းရင်းမြစ်များ

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Markus 7:8

Yig isaruk apareg, eke fobik yig isaruk wilil, “At Allahen wene duroho suruk amuk eke duroho suruk am fug ulug yig hisebahon etno sohorep isalug, hit hinetamukien inenggal-at suruk amag ulug yig hisebahon epmano obog-at waruk ahep hisihi-o,” ulug yig isebag.

Yohanes 2:6

Yig isaruk apareg weregma, eke it Yahudi aben yi angge di angge epmano ik fam hosuog ulug suruk apag etno fam, ik oag kwean kabohon suon inebe enggalimen angge epmano embebag.

Ibrani 6:2

Eke ikma belap inaptukon wene etno inim, eke aphe inungguluag ininggik sen inaptukon etno inim, eke fobik it aphe warehon minduhup isahuon epmano inim, eke o epma mondog welamag ulug oag del inabuhuon epmano inim, alem ariroho sukon etno obog-at niniluk-o.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Ibrani 9:23

Eke yi angge di angge boholmon ilitoho ulug kweanma ahut haloko embebahon epmano wam amep etno fam ho sebahon oke, yi angge di angge boholmon epmano Allah ake fanowon misig embebahon etnowen ho inapag-o.

1 Petrus 3:21

Eke amuk iken war inabuk nowen ulug inili webag etno hag, kidia ikma belap hinaptuk ari fam hinili waruk-o. Ari hinebe finggi etno eleg amag ulug ikma belap hinaptuk eleg-o. Hinindi Allah hinim hunduhuk wilil, hinobabut fanowon-at welamag ulug ikma belap hinaptuk-o. Ikma belap hinaptukon alem ari, At Yesus iluksoho minduhupfebag etno fam ikma belap hinaptuk-o. Eke At Yesus iluksoho minduhupfebagma,