Yohanes 3:19 - Allah Wene Hurumbik Keron

¹⁹ Inebe oag deloko imbisarisi etno, iren duroho suruk isalug imbisarisi-o, At o seleg etno o kweanma duma waharision oke, it aphe epmano dag-at suruk ari fam, o seleg etno sohorep isalug, o hubanggo welamon etno holarusa-o.

Yohanes 3:19 ပူးပေါင်းရင်းမြစ်များ

Lukas 12:47

At anggimbu etno oweyen fikfag sukag ulug yanggul itukon oke, ilitoho seheg eleg, o aso fanoroho welaheg eleg suruk halug, yikangge anggolo waruhu-o.

Lukas 16:14

Yig isaruk apagma, it Farisi ap inesanggo holtuk apareg, uang anggen inindi hunduhuk welapag etno fam At Yesus ahunda yapag.

Yohanes 1:4

Wene iniluk amon etno aphe inindimu seleg amag ulug og isebag. Og isebag ari, o seleg etno fam o hikmu yangguk amag ulug og isebag.

Yohanes 1:5

Ariroho og isaruk apagma, o hik etnowen o seleg etno hiksepfebag fug-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 12:43

Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 12:46

Eke it yi aphe di aphe obog An nobam ebetukon epmano o hikmu neken welam nowen ulug An o seleg o kweanma duma waharikik-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

Yohanes 7:7

Eke it yi aphe di aphe kweanmon etnowen hit inambit hisao eleg oke, Anden hit ariroho suruk ahep ari dag-at suruk ahep-o, ulug yig isaruk ahi etno fam, inambit nearuk-o.

Yohanes 8:12

Eke fobik At Yesus etnowen yig isaruk wilil, “It aphe kweanmon duma selehap inaptukon etno An at-o. Eke it yi aphe di aphe obog-at An mug naplug laruk etno fam, o seleg iniluk welamon etno holahupseg, o hikmu laruk amuhup fug-o,” ulug yig isebag.

Yohanes 9:5

Eke An nebe o kweanma duma wilil, it yi aphe di aphe o duma werehon obog-at selehap inaptuk ahi-o,” ulug yig isebag.

Roma 1:32

Eke it ariroho surukon epmano At Allahen dag ban suruk isalug An war inabuhuk-o ulug ebahon wene etno iniluk wilil oke, eke iren-at dag seheg, eke it ninen ariroho dag surukon epmano inahien iseheg suruk-o.

Roma 2:8

eke it aphe nin epmano inindimuen suontepataruk wilil, wene demat urukon etno sohorep isalug, dag wene etno, inindi ebetukon ari, At Allah asineyen onggo dag seko imbisahu-o.

2 Tesalonika 2:12

Eke ari fam it aphe awene demat urukon epmano sohorep isalug, dag surukon etno inahiroho suruk ari fam, oag deloko o dagma imbisahu-o.

1 Petrus 2:8

Eke ariroho ebahon etno wereg heheg, eke misig du wereg-o, “It o wut oag ari ninambit ulug uruson etno fam, bule ambulug watahup-o,” ulug holal embebahon etno hiniluk-o. Eke it aphe At Yesus o wut oag neken werehon etno obam ebetuk eleg isalug, At Allahen ebahon etno ilitoho bule amburusareg, watarusa-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,