Yohanes 3:11 - Allah Wene Hurumbik Keron

¹¹ Ari halug, wene demat urukon etno yig hibmin-o. Ariroho yig hituk wilil, nil harikikseg niluk atision etno-at yig hisaruk ahion oke, hiren An wene yig hisaruk ahion epmano eberoko waruk ahep fug-o.

Yohanes 3:11 ပူးပေါင်းရင်းမြစ်များ

Matius 11:27

Hat Niknien An yi angge di angge obog og nitikinteg fam, Haren-at An Hamloho nebe hiluk-o. Eke An Hamlohoen-at Hat Nikni hebe niluk-o. Eke An Hamloho etnowen it nin yig isarukmu, it etnowen-at Hat hebe iniluk atuk-o,” ulug ebag.

Matius 23:37

At Yesus etnowen uruk wilil, “Ae, hit Yerusalem ap hinabua-o. Hiren it nabi ap war inabeheg, eke it Allahen hinambeg lahap isa wapahon epmano helep fam war inabeheg suruk ahep-o. Eke at sue ayamen udaki aherabul fam balu inaplug seberoho apma imbisalug wereg etno hag, hit obog Anden balurep hisahalug ninggik sen hinaplug wilil heahi war hinabiog ulug sirikikon oke, hiren hinambit nearikip-o.

Lukas 10:22

Hat Niknien An yi angge di angge obog og nitikinteg fam, Haren An Hamloho hebe hiluk-o. Eke An hamlohoen Hat Nikni hebe niluk-o. Eke An Hamloho etnowen yig isarukmu Hat hebe iniluk atuk-o,” ulug uruk apag.

Yohanes 1:11

Inahla beheg eleg weregma, At ibam endag apag ambeg epmano yig isa lebahon oke, it aphe At ibam welapahon epmanowen At obam ebetuk apag fug-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 12:49

Eke An wene yig isaruk ahi etno An nakeleg nahla buluhen-at yig isaruk ahi fug-o. At Nikni lahap nabik waharision etnowen-at wene ariroho yig isahun ulug yig nitisimu, yig isaruk ahi-o.

Yohanes 14:24

Eke it yi aphe di aphe An nobam inindi hunduhuk elehon epmano Anden wene yig isaruk ahion oke, inesanggo holtuk eleg-o. Eke hit wene hinesanggo holtuk ahebon epmano, An nakelehen-at yig hisarukmu holtuk ahep fug-o. At An Nikni lahap nabik waharision etno ninimen-at yig hisarukmu, hinesanggo holtuk ahep-o.

Yohanes 3:12

Eke ariroho yi wene di wene kweanma dumen surukon epmano yig hisaruk ahion oke eberoko waruk ahep fug ari, eke Anden yi wene di wene boholmen surukon epmano yig hiselemen, keroho eberoko welep-o?

Yohanes 3:13

Eke at ap misig etno o boholma lahabag fug-o. An Allahen minduhup naharision etno hag boholmen ambik waharuk seyag-o.

Yohanes 3:3

Yig ituk apagma, At Yesus etnowen yig ituk wilil, “Wene demat urukon etno yig hisamin-o. Ap misig ebe birenam endag atuk eleg halug, At Allah weregma kuk ari hai-o,” ulug yig ituk apagma,

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Yohanes 5:43

Eke An yi angge di angge unde welamag ulug Niknien ninggikmu imbirisimu, waharikikon oke, hiren nobam eberoko waruk ahep fug-o. Eke ap misig onggarehen indi suontepataruk wilil waharukon etno hag eberoko waruk ahep-o.

Yohanes 7:16

eke At Yesus etnowen yig isaruk wilil, “Anden wene yanggul hisaruk ahi etno An nahlaen bulug yanggul hisaruk ahi fug-o. An At Allah lahap nabik waharision etnowen-at yanggul nitukmu, hit yig hisaruk ahi-o.

Yohanes 8:14

Yig ituk apagma, At Yesusen yig isaruk wilil, “An nawene etno nonggarehen-at yig hisaruk ahi ari, hiren wene demat uruk amon etno yig hisaruk ahi-o. Eke An nebe etno epmen waharikik, epma lahuk ulug niluk oke, hiren epmen waharisi, epma lahu ulug, hinapeleg-at welahep-o.

Yohanes 8:26

Eke An nonggarehen wene yig hiseheg, hinaren baleheg suruk atleon oke, At lahap nabik waharision etnowen wene demat uruk amon etno yig nitukmu wene etno nesanggo holtug, Anden it aphe kweanmon duma yig isaruk ahi-o,” ulug yig isebag.

Yohanes 8:38

Eke Anden Niknien yanggul nitision etno-at yig hisaruk ahi etno hag, hit hiniknien yig hisebahon etno-at suruk ahep-o,” ulug yig isebag.

Kisah Para Rasul 22:18

At Allahen yig nituk wilil, ‘Haren it aphe duma An nawene etno yig isarukmu, inesanggo holtuk eleg ari, hat o Yerusalem sohorep isalug, lamihin-o,’ ulug yig nituk atisimu,

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,