Yohanes 21:22 - Allah Wene Hurumbik Keron

²² Yig ituk apagma, At Yesusen yig ituk wilil, “Anden ap du An awan waharuk eleg neyeheg iluk-at welamag-o ulug nahla belemen, haren elen fug-o. An nakelehen-at nahla bele-o. Ari halug, kidia hat hebe etno An mug naplug ma-o,” ulug yig epag.

Yohanes 21:22 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 24:27

Eke o sehenyabog boholmen dulum-at yibatuk etno hag, An Allahen minduhup naharision etno hetnogsoho waruhuk-o.

Matius 24:3

Yig isaruk apareg, At Yesus etno Zaitun bunumu laharuk apareg horieg weregma, it omini epmano inakeleg-at ambeg hinog waharuk apareg, yig ituk wilil, “Hat yig nisehenon etno obog o maram suhu-o? Eke Hat waruhunon etno inim, eke o fobik atog arat aruhuon etno inim kidia fanggog uruk-o ulug nit niniluk amuhuken alem keroho suhu-o? Kidia ariro­ho suhu ulug yig nisimin-o,” ulug yig epag.

Matius 24:44

Ari ilitoho hit An Allahen minduhup naharision etno o ari sambit waruhu ulug hinapelegsoho weregma, waruhu etno hit hinindi fikfag wilil aso welamuk-o,” ulug yig isebag.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Matius 8:22

At Yesusen yig ituk wilil, “Hat An ninim sil nuruk amuhuken ma-o. Eke it waratukon etnowen hag it warehon epmano kweanma salep isaruk amag ulug sohorep isin-o,” ulug yig epag.

Markus 9:1

Yig isaruk apareg, eke fobik yig isaruk wilil, “Hit aphe nin duma welahebon epmano waraheg eleg hiniluk wilil, At Allah weregmen oag weregsoho suhuon etno hinilanggen hahup-o, ulug An demat yig hisihi-o,” ulug yig isebag.

Yohanes 21:19

Ariroho yig epag ari, at Petrus etno waratuk wilil Allah inuk suroho suontepfuhun ulug At Yesusen hurumbik yig iriog ulug, ariroho yig epag. Yig ituk apareg, eke fobik yig ituk wilil, “Hat An nombolim mug naplug ma-o,” ulug yig epag.

Yohanes 21:21

Ilanggen haruk apareg, at Petrusen Yesus yig ituk wilil, “Nowe-o, ap du hag fobik keroho welaruhu-o?” ulug yig epag.

1 Korintus 11:26

Ariroho yig isebag etno hag, hit nintul nantul orom roti etno inim, ambusu honanggowon etno inim naruk wilil, At Ninowe etno awan waharuk eleg heheg, At warapahon wene etno yig isimuk-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

1 Tesalonika 2:19

Ariroho hai atisi oke, eke At Ninowe Yesus waruhu etno sambit ap nin ninahien isahuk fug-o; hit hinindi yabuk anggolo suruk atukuk etno fam ninahien harukmu, yabuk fano suruk atikip ulug yig nisahu-o.

Yakobus 5:7

Ari halug, nomini-o, At Ninowe wamon etno aso welamiek-o. Eke at ap misig eyabukmu aharom yahapatalug, osit nenggeg, mo waheg suruk wilil, wirik amag ulug aso wereg etno hag,

Yakobus 5:8

hit ari ilitoho At Ninowe horog fanggog ik wamon etno aso welamiek-o, nomini.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.

Wahyu 2:25

Ari halug, hiren An wamon etno naso wilil, hinindi oag weregsoho welamiek-o.

Wahyu 22:20

Eke At yi wene di wene obog yangguloko yig nisarukon etnowen “An dulum-at waruhuk,” ulug yig nisaruk-o. Ariroho yig nisaruk halug, niren, “Demat, dulum manu-o, Ninowe Yesus,” ulug uruk ahe-o.

Wahyu 22:7

Yig nituk atisimu, eke At Yesusen uruk wilil, “Hit hinesanggo fanoroho holtuk amiek-o. An fobik wamon etno horog fanggog ehek-o. Anden holal baleg du fam hurumbik yig hisarikikon etno inesanggo holtukon halug, inahien hahup-o,” ulug irisi-o.

Wahyu 3:11

Eke An nebe hag, horog fanggog ik wariug ulug suruk ahi-o. Eke hit Anden og hisahukon etno aben diloko hola nowen ulug, fikfag eberoko waruk wilil seneriek-o.