Yohanes 21:17 - Allah Wene Hurumbik Keron

¹⁷ eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Yohanes 21:17 ပူးပေါင်းရင်းမြစ်များ

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Markus 14:72

sue ayam une birenam uruk apagma, at Petrus etno Yesusen bilin yig epahon etno indi ebetuk wilil, “Sue ayam une birenam iog ulug suruk heheg, hinggik henahanam An ebe napeleg-o ulug uhun-o,” ulug yig epahon etno indi ebetuk apareg, epmanowen wilip apag. Wilip atuk apareg, ioba yatuk apag.

Yohanes 12:8

Eke it aphe inaharek elehon epmano nintul nantul hinim welamuhubon oke, An hag fobik hit ninim welamuhuk fug-o,” ulug yig epag.

Yohanes 13:38

Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 15:10

Eke An Niknien yig nitukon epmano ilitoho suruk nealug, At ninim ninindi hunduhuk welahe etno hag, hit Anden wene yig hisaruk atikikon epmano ilitoho suruk hisalug, hit An ninim hinindi hunduhuk welamuhuk-o,

Yohanes 16:30

Ariroho hearuk ahereg, Hat hebe etno yi angge di angge alem obog iluk ulug ninahla buruk ahe-o. Eke Haren nit hinog og ninabuk ari hai-o. Eke Hat hag yi angge di angge alem hiluk welahen etno fam, niren ebe At Allah wereg ambehen-at ambik waharisi ulug hobam ebetuk ahe-o,” ulug yig epag.

Yohanes 18:27

at Petrus etnowen fobik inim yig ituk wilil, “Eleg-o,” ulug yig ituk apagma, sue ayam kulohon etno une arat epag.

Yohanes 18:4

Og inaplug waharuk apagma, At Yesus etnowen ariroho sen nabukon ulug iluk wilil, inolohotma laruk apareg, yig isaruk wilil, “Hit sa heahil wahep-o?” ulug yig isaruk apagma,

Yohanes 21:18

Ari halug, Anden wene demat uruk amon etno kidia yig hisamin-o, hat hebe elege wilil, haserlog honggarehen-at ilunggun wataruk wilil, lamin ulug hahla buruk ambeg-at laruk atikin-o. Ariroho suruk atikinon oke, fobik sabal atuk aruhunteg, hinggik sikseg wereg healug, ap misihen hinggik hele waroko o misig lamin buhun fug ambeg-at hombahik lahu-o,” ulug yig epag.

Yohanes 4:16

Ariroho yig ituk apagma, At Yesusen yig ituk wilil, “Ari halug, hat hahun ayonggo lamihinteg, suhuluk wapmihin-o,” ulug yig epag.

Kisah Para Rasul 1:24

Sembahyang uruk wilil, “Ninikni Allah wa. Yi aphe di aphe inindi burukon Hat hiluk halug, ap biren dia at misig du heako imbihi-o ulug yig nisimin-o.

Kisah Para Rasul 11:10

ulug une etno henahanam dahagsoho yig nituk atisireg, fobik sum etno walug boholma laharisi-o.

Kisah Para Rasul 15:8

Eke At Allahen yi aphe di aphe inindi ebetukon epmano iluk wilil, bilin nit Roh Kudus og nisarisi etno hag, it Allah wene waruk elehon inindi fano inabukag ulug Roh Kudus og isarisi-o.

2 Korintus 1:12

Eke niren suontepataruk aheon epmano alem du wereg-o, nit ninebe niniluk wilil, o kweanma o ahik ya da inim, eke hit wereg ambeg inim ya keheg sil nuruk atukuk ari, it aphe ninen ninindi wereg ulug bukon etno sohorep isalug ninindi seberoho wilil, At Allah oag weregsoho ahien nisebareg fam, Aren yig nisarukon etno-at yig isil larukuk ulug ninindi ebetuk ahe-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

1 Petrus 1:6

Og hisawon epmano weregma, kidia-at hinahien haruk amiek-o. Eke kidia it ninen yi dag di dag hinobam umburukmu ioba yatuk neken welahep oke,

2 Petrus 3:1

Ari halug nomini-o, hit hinahla burukon eleg amag ulug, yi wene di wene obog-at holal birenam bal hisihion du fam yig hisihi-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.