Yohanes 21:16 - Allah Wene Hurumbik Keron

¹⁶ Yig ituk apareg, At Yesusen fobik inim dahagsoho yig ituk wilil, “Simon Yohanes amloho du wai, haren An nobam hindi hunduhuk mondog welahen ano?” ulug yig ituk apagma, at etnowen yig ituk wilil, “Nowe-o, anden Hat hobam nindi hunduhuk welahi etno Hat hiluk-o,” ulug yig ituk apagma, At Yesus etnowen yig ituk wilil, “Ari halug, haren An nanggom domba epmano inaso welamuk-o,” ulug yig ituk apareg,

Yohanes 21:16 ပူးပေါင်းရင်းမြစ်များ

Matius 2:6

‘O Betlehem Yudeaon du, hat o duma doron, o epma suon ulug uk fug-o. At an nudaki Israel ap etno og inaplug sil nurukon etno o Betlehem epmen-at endag aruhu-o,’ ulug at Mikhaen holal balfa­hon etno yig here­he-o,” ulug at Herodes etno yig epag.

Matius 25:32

Horieg weregma, it yi aphe di aphe kweanmon obog-at An nolohotma wonggaloko imbisahup-o. Ariroho imbisaruk amuhupmu, ap misig wam inaso werehon etnowen inebe domba akeleg kambing akeleg fuloko imbisaruk epmano hag, Anden it aphe obog fuloko imbisaruk wilil,

Matius 26:72

Yig isaruk apagma, at Petrus etnowen uruk wilil, “Eleg-o, Ap ari an napeleg ulug ihi ari demat yig hirihi-o,” ulug yig epag.

Lukas 19:10

Eke it aphe bilin nuk atuson epmano heako imbisaruk atikikseg, inili wiog ulug An Allahen minduhup naharision etno waharikik-o,” ulug At Yesusen yig isebag.

Yohanes 18:17

Walug kuruk apagma, at hole kembatma welapahon etnowen at Petrus etno yig ituk wilil, “Hat ap du omin welahen ano?” ulug yig ituk apagma, eke at Petrus etnowen yig ituk wilil, “An At omin fug-o,” ulug yig epag.

Yohanes 18:25

Eke at Petrus etno sohik yet saruk wilil, epmano minduhuk welapag. Epmano minduhuk weregma, it ap nin epmanowen yig ituk wilil, “Hat ap du omin-at welahen ano?” ulug yig ituk apagma, at Petrus etnowen enggal-at herako ulug, “An At omin fug-o,” ulug yig isebag.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

1 Petrus 2:25

Eke hit bilin wam domba kwalem dahon larukon etno ilitoho welatikip oke, kidia kwalem fanowon etno luog ulug at hinaso wilil hinili warukon etno mutlug laruk ahep-o.

1 Petrus 5:2

It Allah udaki epmano yaharoho welamuhuben ulug minduhup hisahabahon etno yabuk fanoroho-at surukmu, At Allahen une yig hisarukmu, yabuk hinahiroho-at suruk amiek-o. Eke yi angge di angge nawon epmano og nisahup, ulug hinahla buruk am fug-o. Fanoroho inaso wilil, yaharoho welamuk ulug hinahla buruk amiek-o.

Wahyu 7:17

Eke At Wam Domba Udag horie uruk ambeg bulmu werehon etnowen inaso wilil, it epmano ik fanowon ilukon elerukmu epmano nawag ulug og inaplug laruk aruhu-o. Og inaplug larukmu, eke At Allahen inil ambusu ho inaptuk aruhu-o,” ulug yig nitukmu nesanggo holtikik-o.