Yohanes 20:8 - Allah Wene Hurumbik Keron

⁸ Ilanggen haruk apagma, fobik at omin misig bilin o wikelma lebahon etno inim kebag. Kuruk apareg, indi ebepag.

Yohanes 20:8 ပူးပေါင်းရင်းမြစ်များ

Lukas 16:31

Yig ituk apagma, eke at Abrahamen yig ituk wilil, ‘Eleg-o, it at Musa inim eke nabi ap epmano inimen ebahon etno inesanggo holtuk eleg isalug, eke at ap waratision misig iluksoho minaruhureg yig isarukmu, holuhup fug at-o,’ ulug at Abraham etnowen yig epag-o,” ulug At Yesusen yig isebag.

Yohanes 1:50

Ariroho yig ituk apagma, At Yesus etnowen yig ituk wilil, “Anden hat hebe e siluk alma horieg weregma nil hiyihi-o, ulug yig hirihi etno fam, haren nobam ebetuk ahen-o. Ari halug, eke fobik sukfugangge suon etno surukmu hilanggen neahun-o,” ulug yig epag.

Yohanes 20:25

Inim eleg welapareg, it omini nin epmanowen yig ituk wilil, “At Ninowe etno arat ninilanggen hehe-o,” ulug yig ituk apagma, eke at Tomas etnowen yig isaruk wilil, “Eleg-o, At ebe inggik paku watuson etno fam ahambut elma epmano nilanggen halug, ninggik dum kolapfeheg, eke ombandu ahambut elma epmano ninggik kolapfeheg sulug eleg anden demat ulug nindi eberuhuk fug-o,” ulug yig isebag.

Yohanes 20:29

Yig ituk apagma, At Yesusen yig ituk wilil, “Hat An nobam hilanggen neyehen etno, demat ulug ebetuk ahen oke, eke it aphe nin fobik An nebe inilanggen nealug eleg-at inindi demat ulug ebetuk amuhubon epmano inahien haruk amuhup-o,” ulug yig epag.

Yohanes 20:4

It etano buahen laruk wilil, at Petrus etno fobik orog-at laruk heheg, At Yesus omin misig etno buahen laruk apareg, akeleg-at bilin o wikelma etno lebag.