Yohanes 20:26 - Allah Wene Hurumbik Keron

²⁶ Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Yohanes 20:26 ပူးပေါင်းရင်းမြစ်များ

Matius 17:1

Eke fobik ininggik enggalimen angge welapareg, At Yesu­sen it Pe­trus, Yakobus, ot Yohanes etano og inaplug o bunumu aphe eleg ambeg epmano inakeleg-at lahabag.

Markus 16:14

Eke fobik At omini epmano orom nuog ulug epmano horieg weregma, At etno inilanggen neawag ulug inambeg wapag. Waharuk apareg, yig isaruk wilil, “It aphe ninen An enggag nealug iluk aha ulug yig hiseheson oke, hit An nobam ebereheg eleg-at welahep du, hinindi fanoroho ebetuk ahep fuhon-at hisihi-o,” ulug winimug yig isebag.

Lukas 24:36

Awan yig isaruk iseheg, At Ninowe etno hetnogsoho inambeg minarik waharuk apareg, yig isaruk wilil, “Nomini wahinaniog-o,” ulug yig isaruk apagma,

Lukas 9:28

Yig isaruk apareg, eke fobik ininggik enggalimen angge welapareg, At Yesusen it Petrus, Yohanes, Yakobus etano og inaplug, inim sembahyang uog ulug bunumu misig lahabag.

Yohanes 11:16

Yig isaruk apagma, at Tomas inuk misig nit ninune fam ‘Hulip udag’ soalfahon etnowen it omini epmano yig isaruk wilil, “Nit obog-at Ninowe etno ninim waramuhuken luk-o,” ulug yig isebag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 20:19

Eke fobik o hari Minggu nit sembahyang uruk ahe etno sambit hup atuk apagma, it At Yesus omini epmano wonggalik waharuk apareg, it Yahudi ap epmano inakolen inibam sok fikfag laroko weregma, At Yesus etno inahla minarik wapag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 21:1

Eke fobik At Yesus etno misihim inim neawag ulug it omini epmano ik Tiberias ayegma inambeg waharuk apareg, iren enggag neawag ulug inambeg wapag.

Yohanes 21:14

Ariroho og isebag ari, At Yesus etno it aphe warehon wereg ambeg epmanowen iluksoho minduhupfuruk apagma, inggik henahanam it omini epmanowen enggag neawag ulug inambeg waharuk apareg, ariroho og isebag.

Kisah Para Rasul 1:3

Inambeg laruk apareg, it epmano demat inahla bukag ulug ininggik empat puluh inim wilil, inilanggen hebag. Inilanggen haruk apagma, Aren wene Allah weregmen sukon etno yig isebag.