Yohanes 20:19 - Allah Wene Hurumbik Keron

¹⁹ Eke fobik o hari Minggu nit sembahyang uruk ahe etno sambit hup atuk apagma, it At Yesus omini epmano wonggalik waharuk apareg, it Yahudi ap epmano inakolen inibam sok fikfag laroko weregma, At Yesus etno inahla minarik wapag.

Yohanes 20:19 ပူးပေါင်းရင်းမြစ်များ

Matius 10:13

Yig isaruk amuhupmu, iren wa ulug yig hisaruk isalug, hiren heahi war inaptuk wilil, hinahien inobam imbiuk-o. Eke iren hinaohi esetuk eleg isalug, hinahien inobam umbuk fug-o.

Matius 18:20

Eke it biren henahan etanowen An ninuk fam dambuksoho wonggaltuk isalug, An nebe inahla welaruhuk-o,” ulug yig isebag.

Markus 16:14

Eke fobik At omini epmano orom nuog ulug epmano horieg weregma, At etno inilanggen neawag ulug inambeg wapag. Waharuk apareg, yig isaruk wilil, “It aphe ninen An enggag nealug iluk aha ulug yig hiseheson oke, hit An nobam ebereheg eleg-at welahep du, hinindi fanoroho ebetuk ahep fuhon-at hisihi-o,” ulug winimug yig isebag.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 16:22

Eke at hwe etno bilin indi dag atukon oke, fobik ahien haruk etno hag, hit ariroho suruk ahep-o. Hit hinebe kidia hinindi dag atuk ahep oke, fobik hinindimu hinahien harukmu nilanggen hisahuk-o. Ariroho hinahien hahubon etno at ap misihen elehep hisahaku fug-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Yohanes 21:1

Eke fobik At Yesus etno misihim inim neawag ulug it omini epmano ik Tiberias ayegma inambeg waharuk apareg, iren enggag neawag ulug inambeg wapag.

Yohanes 21:14

Ariroho og isebag ari, At Yesus etno it aphe warehon wereg ambeg epmanowen iluksoho minduhupfuruk apagma, inggik henahanam it omini epmanowen enggag neawag ulug inambeg waharuk apareg, ariroho og isebag.

Yohanes 7:13

Ariroho uruk wilil, it Yahudi ap inil fam uk ari ninakol-o ulug Yesus abug selegmaroho uruk apag fug.

Kisah Para Rasul 1:3

Inambeg laruk apareg, it epmano demat inahla bukag ulug ininggik empat puluh inim wilil, inilanggen hebag. Inilanggen haruk apagma, Aren wene Allah weregmen sukon etno yig isebag.

Roma 15:33

Eke At Allah yi aphe di aphe dambuk ninaptukon etno hit obog hinim welamag ulug an demat yig hisihi-o.

1 Korintus 15:5

Minduhupfuruk apagma, at Kefas etnowen ilanggen hebag. Hebareg fam, eke fobik it dua belas epmanowen inilanggen hebag.

Efesus 2:14

Eke At Kristusen it Yahudi ap inim, eke it Allah wene inapeleg welatuson epmano inim it inebe misig-at welamag ulug imbisaruk wilil, ninebe obog-at dambuk ninaptisi-o. Eke At ebe etno waratuk wilil, o hobat neken huli baloko werehon etno mialoko imbirisireg fam, it bilin healeg welatuson epmano dambuk inaptisi-o.

Efesus 6:23

Eke At Ninikni Allah inim, eke At Ninowe Yesus Kristus inimen hinomini obog dambuksoho hinindi hunduhuk welamon etno inim, eke wene eberegsoho warukon etno inim, obog-at og hisawag ulug yig hisihi-o.

Filipi 1:2

hit obog At Ninikni Allah inim eke At Ninowe Yesus Kristus inimen hinabua hisaruk wilil hinim welamag ulug yig hisehe-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

Ibrani 7:2

Ahien obam umburuk apagma, at aharek nomaloen angge weregma, sohoen angge at ombataruk wilil, nomalo etno at Melkisedek og epag. Eke at Melkisedek etno inuk misig Inowe fano inaptukon ulug soaleg wilil o Salem inowe suon welapag etno fam, inuk misig Inowe fohot yaltukon ulug soaleg welapag.

3 Yohanes 1:14

Eke horog kidia hinambeg waruhukseg, nuneyen-at ninim wene uhuk-o.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.