Yohanes 20:17 - Allah Wene Hurumbik Keron

¹⁷ Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 20:17 ပူးပေါင်းရင်းမြစ်များ

Matius 12:50

It aphe An Nikni boholma werehon etnowen une yig isarukmu inesanggo holtukon halug ari, An nomini nisina nosi-at wereg-o,” ulug yig isebag.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 28:7

Ari halug, hit kidia dulum At omini epmano yig isa aliek-o. Laruk atlihipseg, yig isaruk wilil, ‘At etno ebe ap warehon wereg ambeg epmanowen iluksoho minduhup­fehekma, At ebe o Galilea epmen inilanggen neawag ulug bilin arat laha-o. Ariroho laha ari, epmen hinilanggen hahup-o,’ ulug At omini epmano yig isa aliek-o. Ari halug, hit Anden yig hisihion etno hinindi eberegsoho welamiek-o,” ulug yig isebag.

Markus 12:26

Eke alem it warehon iniluksoho minamon etno farim kidia yig hisamin-o. At Musaen e mulip anggen hahon etno famen hondok ambulpul laharuk ambeg epmano weregma, At Allahen yig ituk wilil, ‘At Abraham Ikni An at-o, eke at Ishak Ikni An at-o, eke at Yakub Ikni An at-o,’ ulug yig epahon etno wene baleg fam wereg etno wanesirikip fureg uruk ahep ano?

Markus 16:19

Yig isaruk apagma, At Ninowe inuk suon Yesus etno At Allahen walug boholma lahabag. Laharuk apareg, At inggik bikit fil epmano horie ebag.

Lukas 10:4

Eke hit laruk wilil halug, uang anggen eset inim, sum yi angge di angge yonggatukon epmano inim, hiniog eset inim walug la fug-o. Eke it aphe kwalema hinim salkal ulug halug, fikfag heahi war inabiuk-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 14:2

An Nikni ibam epma o baharik anggolo weregma, o baharik nin hit welamuhuben ulug fikfag haloko hinombisahik lahuk-o, ulug yig hisihi ari, ebe faleg eleg welatlepmen, ariroho yig hisele fug-o.

Yohanes 14:28

Eke Anden bilin yig hisaruk wilil, ‘An nebe lahukseg oke, fobik niog suhuluk hinambeg waruhuk-o,’ ulug yig hisarikikon etno hinesanggo holtikip-o. Eke hit hinebe An nobam mondog hinindi hunduhuk welatlepmen, An Nikni ambeg lahuk ulug yig hisarikik etno fam hinahien neyelep-o. Eke An kidia nebe doron neken wereg neyeheg, At An Nikni etno hag suon-at wereg-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 20:27

Yig isaruk apareg, eke at Tomas etno yig ituk wilil, “Ninggik ahul nahambut duma hilanggen bikharuk apmihinteg, hinggik kolabin-o. Eke nombandu nahambut elma epma hinggik-dot undamaroho kolapfin-o. Ariroho kolapfuruk apmihinteg, hindi biren welahenon etno sohorep isalug, demat ulug An nobam hindi ebetuk amin-o,” ulug yig epag.

Yohanes 7:33

Lahap isaruk apagma, At Yesus etnowen yig isaruk wilil, “An ninggik dorat hit ninim welamuhukseg, fobik At lahap nabik waharision etno wereg ambeg epma niog suhuluk lahuk-o.

Roma 8:29

Eke At Allahen bilin it aphe nin inebe iluk apareg, fobik fuloko imbisebag-o. Eke fuloko imbisebag ari, inebe At Amloho etno ilitoho welamag ulug fuloko imbisebag-o. Eke it Allah udaki etno inebe anggolo oke, Amloho manggia hag Inowe etno-at welamag ulug fuloko embebag-o.

2 Korintus 6:18

Endag hinaptuk aruhukseg, nebe Hinikni neken weregma, hit nudaki naholani neken welamuhup-o,” ulug An Allah noag werehon etnowen yig hisaruk ahi-o, ulug abug yig isebag ari, nit-at yig nisebag-o, nomini.

Galatia 3:26

Eke At Kristus hinim wilil obam ebetuk ahep etno fam At Allah udaki-at welahep-o.

Ibrani 11:16

Ariroho lelebon oke, it inibam boholmon fanowon etno-at heag suog ulug sebag-o. Ariroho heag suog ulug suruk apagma, At Allahen Hinikni an at-o, ulug yig isaruk wilil, ambit isebag fug-o. Aren it inibam suon etno-at fal inaptuk apag-o.

Ibrani 8:10

Yig isaruk wilil, “Fobik it Israel aphe ninim wene ariroho baltuk amuhukseg, ninim dambuluhuk-o. Eke Anden wene duroho suruk amuk eke duroho suruk am fug ulug yig isahukon etno inindimu holal neken baloko umbuhuk-o. Eke it epmano An nudaki wereg iseheg, Inikni Allah An-at welaruhuk-o.

1 Petrus 1:3

Nomini-o, At Allah Ninowe Yesus Kristus Ikni etno wa ulug sembahyang yig ituk amuk-o. Aren nit ninabua hebareg, At Yesus Kristus iluksoho minduhupfebag etno fam, nit ninebe ketoho ninombisaharuk wereg-o.

1 Yohanes 3:2

Nomini-o, nit Allah udaki welaheon-at oke, fobik keroho welamuhuk ulug nit awan niniluk atuk ahe fug-o. Eke At Kristus etno obam ebetuk amuhupmu, At ebe hag amuhuk-o. At etno waruhumu, ebe demat hahuk-o.

Wahyu 21:3

Nilanggen harikikseg weregma, une suon misig At horie uruk ambehen urukmu holtikik-o. Holtikikseg weregma, une etno­wen uruk wilil, “At Allah ibam aphe inanggelegma epmano ambehekseg fam, it inim inibam misig-at neken welamuhup-o. At udaki-at welamuhup-o. At Allah ebe it inim wilil, it Inikni-at welaruhu-o.

Wahyu 21:7

Eke it inoag weregsoho anduhunmu welamuhubon etno An nudaki neken yi angge di angge obog-at og isahuk-o. Eke iren, “Ninikni Allah,” ulug yig nituk amuhup-o. Eke Anden, “Nudaki-o,” ulug og inaptuk aruhuk-o.