Yohanes 20:1 - Allah Wene Hurumbik Keron

¹ Eke fobik o hari Minggu sambit o witiog ulug ahla healtuk heheg, at hwe Maria Magdalena etno o wikelma etno laruk apareg, helep sok larehon etno husig weregma ilanggen hebag.

Yohanes 20:1 ပူးပေါင်းရင်းမြစ်များ

Matius 27:56

It hweap ariroho welapag ari, at Maria Magdalena etno inim, eke at hwe Maria misig it Yakobus Yusuf inisina etno inim, eke at Zebedeus udaki inisina etno inim, eke it nin inim ariroho welapag.

Matius 27:60

Kolapfuruk apareg, helep suon misig hihiloko o wikele etno sok larepfulug lebag.

Matius 27:64

Ari halug, At ebe o wikelma umburuson etno ininggik henahanam yaharoho welamag ulug hat hosi nin yig isimin-o. It At omini etno epma waharuk amuhupseg, At ebe herako imbik wilip atlug it aphe nin yig isaruk wilil, ‘At ebe it warehon wereg ambehen iluk atlug minaha-o’ ulug yig isa nowen-o. Aren bilin enggal irisi etno hag doron-at irision oke, it fobik inenggal uhup ari suon at-o,” ulug yig epag.

Matius 27:66

Yig isaruk apagma, it epmano arat lebag. Laruk apareg, o wikelma helep fam sok larehon etno it aphe werlekonen senebuk nowen ulug silo umburuk apareg, it ap nin etno yaharoho welamag ulug minduhup isebag.

Matius 28:1

Eke fobik it Yahudi ap epmano o hari Sabat fam sembahyang uruk apareg, noholug ilikia hari Minggu nit sembahyang uruk ahe etno fam o mo awan lahik waharuk heheg, at Maria Magdalena inim, eke at Maria misig etno inim o wikelma epmano bik ha lebag.

Matius 28:2

Luog ulug suruk iseheg, o yugul suon misig hetnogsoho suruk apagma, At Allah malaikat misig boholmen ambik waharuk apareg, helep sok larehon etno hihiloko wilipfulug at ebe helep etno fam horie ebag.

Markus 15:46

Yig ituk apagma, at Yusuf etnowen sum anggeon huluon misig onggo baloko umbulug ebe e fam werehon etno hibiloko belabik waharuk apareg, sum anggeon huluon etno fam yinggiloko o wikelma epmano kolapfebag.

Markus 16:9

O hari Minggu nit sembahyang uruk ahe etno fam ilikia mo lahik waharuk heheg, At Yesus etno iluk atlug minatuk apareg, at hwe Maria Magdalena indimu setan inebe sabiren angge kebagma, lisoko wilip isebahon etanowen ilanggen neawag ulug waharuk apagma,

Yohanes 11:38

Eke fobik At Yesus indi dag atuk apareg, o wikelma sok helep fam lareg ambeg etno horogsoho lebag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 19:25

Sebareg weregma, e At Yesus lenggaloko embebahon etno horogsoho etano At isina inim, eke at anditohe Klopas uhwe Maria etno inim, eke hwe Maria Magdalena etno inim, minduhuk welapag.

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Kisah Para Rasul 20:7

Eke fobik o sono hari Minggu ulug it ninomini ninim hari Sabtu fam hupmu orom nawon kubuog ulug wonggaltuk atukukseg, at Paulusen it aphe yig isaruk wilil, at ebe o sono liog ulug suruk atisireg fam, hubanggo homanoho ilimbul yig nisarisi.

1 Korintus 16:2

Eke hit o hari Minggu fam nintul nantul hit hinaharek werehon halug, anggoloroho embeheg, eke hit hinaharek elehon halug, dorat embeheg suruk wilil, uang epmano hit an awan waharuk eleg nealug dugsoho umburuk amuk-o.

Wahyu 1:10

Waruk aheon oke, eke o hari Minggu fam an Roh Kudusen og nitukmu, nilanggen biren barentoho yet harikik-o. Yet haruk atikikseg, an nambolmen binggon une suon neken urukmu nesanggo holtikik-o.