Yohanes 2:4 - Allah Wene Hurumbik Keron

⁴ Yig ituk apagma, eke At Yesus etnowen yig ituk wilil, “Hat hwe du Anden yi angge di angge sukon epmano yig num fug-o. Anden sukon epmano awan fanggog uruk eleg-o,” ulug yig epag.

Yohanes 2:4 ပူးပေါင်းရင်းမြစ်များ

Matius 15:28

Yig ituk apagma, At Yesusen yig ituk wilil, “Hat hwe du nobam demat ulug eberehenteg fam, haren kino yig nerehenon etno ilitoho fano arikon-o,” ulug yig ituk apagma, ebahon etno ilitoho ahaloho dulum-at fano apag.

Matius 8:29

Eke it etno At Yesus inune suon yig ituk wilil, “Hat Allah Amloho wai, keroho seko ninombisahiog ulug wahen-o? War ninabuk sambit etno awan waharuk eleg heheg, war ninabiog ulug wahen ano?” ulug yig epag.

Lukas 2:49

eke At etnowen yig isaruk wilil, “An Nikni ibam duma welahi etno hit hinapelehen heag nabil lahep ano?” ulug yig isebag.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 2:3

Wapareg wilil, e anggur ambusu etno obog-at nebag. Naruk apagma, At Yesus isina etnowen yig ituk wilil, “E anggur ambusu etno arat eleg aha-o,” ulug yig epag.

Yohanes 20:13

Ilanggen isaruk apagma, it malaikat etanowen yig ituk wilil, “Hwe du, hat nulug ioba yatuk ahen-o?” ulug yig epag. Yig ituk apagma, at etnowen yig isaruk wilil, “An Nowe etno walug wilip ahesa ari, epma imbik lahesa ulug an napelehen ioba yatuk ahi-o,” ulug yig isebag.

Yohanes 20:15

Ariroho weregma, At Yesusen yig ituk wilil, “Hwe du, hat keroho ulug ioba yatuk ahen-o? Eke hat ap misig heaharuk ahen ari, sa heaharuk ahen-o?” ulug yig ituk apagma, at hwe etnowen ahla buruk wilil, ap du yabuk duma unde wilil yig nituk ano ulug ahla buruk apareg, yig ituk wilil, “Nikni-o, ap ebe etno Haren walug wilip ahen halug, epma imbik lahi ulug yig nimin-o. Ariroho yig nituk healug, anden ebe wak lamin-o,” ulug yig epag.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:6

Yig ituk apagma, At Yesus etnowen yig isaruk wilil, “An o epma lawon etno awan fanggog uruk eleg-o. Eke hit o epma nintul nantul lao fano at-o.

Yohanes 7:8

Ari halug, hit hag o epma esetukmu lao ari fano at-o. Eke An hag o epma lawon awan fanggog uruk eleg-o,” ulug yig isebag.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.

2 Korintus 5:16

Eke ari halug, it aphe kweanmon epmanowen aphe inolohotma inaren baltukon etno arat sohorep isarukuk-o. Eke nit bilin At Kristus olohotma aren baltukukon oke, ariroho suruk atukukon epmano arat sohorep isarukuk-o.