Yohanes 2:23 - Allah Wene Hurumbik Keron

²³ Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 2:23 ပူးပေါင်းရင်းမြစ်များ

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Yohanes 11:45

Yig isaruk apagma, it Yahudi ap at hwe Maria ha wapahon epmanowen At Yesusen sebahon etno inilanggen haruk apareg, inindi At obam ebetuk apag.

Yohanes 2:11

Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 2:13

Eke fobik it Yahudi ap epmano esoho inuk Paskah etno esebukon fanggog uruk apagma, At Yesus etno o Yerusalem lebag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 4:45

o Galilea etno-at oke o doron misig waharuk apagma, it apheyen wahaniog ulug heahi wapag. It ap heahi wapahon epmano inebe bilin o Yerusalem etnowen esoho inuk Paskah etno esebuog ulug lebareg wilil, At Yesusen esoho Paskah esetukmu sebahon etno inilanggen haruk apareg, inibam wapag. Waharuk apareg, epmanowen At Yesus etno heahi wapag.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 6:2

it yi aphe di aphe obog epmano Aren aphe uk wareg isalug oag weregsoho fano inaptukmu inilanggen haruk apareg, mutlug lebag.

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.