Yohanes 2:2 - Allah Wene Hurumbik Keron

² At Yesus omini epmano inim obog-at esoho ninim nulen ulug inayonggo umburuk apagma wapag.

Yohanes 2:2 ပူးပေါင်းရင်းမြစ်များ

Matius 12:19

Ariroho yig isahuon oke, une winimug neken fanggogsoho yig isahu fug-o. Eke kwalema epmanowen wene yaron yig isahu fug-o.

Matius 25:40

Yig nituk amuhupmu, An Hinowe etnowen yig isaruk wilil, ‘Hit fanoroho sirikip ulug yig hisihi ari, hiren it ap An nosi doron epmano fikfag inabua suruk atikip ari fam, An-at nabua suruk atikip ulug demat yig hisihi-o,’ ulug yig isahuk-o.

Matius 25:45

Ariroho yig nituk amuhupmu, eke An Hinowe etnowen yig isaruk wilil, ‘Hit nabua sirikip fug ulug yig hisihi ari, hiren it ap An nosi doron epmano inabua suruk atikip fug epmano fam, An nebe-at nabua suruk atikip fug ulug yig hisihi ari, demat yig hisihi-o,’ ulug yig isahuk-o.

Yohanes 2:12

Ariroho At obam ebetuk apagma, eke At omini epmano inim, o Kapernaum waharuk apareg, inggik biren henahan neken welapag.

Yohanes 2:17

Yig isaruk apagma, At omini epmanowen Alkitab wene holal baleg du fam inindi ebetuk wilil, “Hat Allah hibam yabuk narug fanoroho siog ulug nindi nahien haruk ahi-o,” ulug wene embebahon etno inindi ebebag.

Yohanes 2:22

Ariroho ebahon etno fobik At ebe it aphe warehon wereg ambehen iluksoho minatuk apagma, it omini epmanowen Aren ebahon etno-at inindi ebetuk wilil, wene baleg embebahon etno inim, eke At Yesusen yig isebahon etno inim demat ulug inahla bebag.

Yohanes 2:3

Wapareg wilil, e anggur ambusu etno obog-at nebag. Naruk apagma, At Yesus isina etnowen yig ituk wilil, “E anggur ambusu etno arat eleg aha-o,” ulug yig epag.

Yohanes 3:22

Eke fobik, At Yesus omini epmano inim o Yudea etno lebag. Lebareg epmano wilil, aphe ikma belap inaptuk apag.

Yohanes 4:2

At Yesus etno Aren aphe ikma belap inaptuk eleg heheg, it omini epmano inakelehen-at ikma belap inaptukmu, ebahon etno it Farisi ap epmanowen inesanggo holfag.

Yohanes 4:33

Yig isaruk apagma, it At omini epmanowen irit uruk wilil, “Ari halug, it ap werlekonen nin og irik wahesama uruk ano?” ulug yig ituk apagma,

Yohanes 4:8

Yig ituk heheg, it At omini epmano o kota etno yi angge di angge naruk angge onggo hundubuog ulug lebag.

Yohanes 6:12

Inahumsoho naruk apagma, At Yesus etnowen omini epmano yig isaruk wilil, “Orom roti nin dinik ahaon epma filik am nowen fikfag fuloko yonggariek-o,” ulug yig isaruk apagma,

Yohanes 6:16

Eke fobik o hup ariog ulug suruk apagma, At omini epmano ik ayegma epmano amburuk apareg, so etno fam kebag.

Yohanes 6:60

Yanggul isaruk apagma, it At omini nin epmanowen inesanggo holtuk apareg, irit uruk wilil, “Wene yanggul isehekon ari, nit ninapeleg atuk heheg yanggul nisehek-o. Ari halug, at sen hag wene du esanggo holuk fano buruk ahep-o?” ulug uruk apag.

Yohanes 6:66

Ariroho yig isaruk apagma, it nin At mutlug wapahon epmano ninim lao ninambit-o ulug sohorep isalug iniog suhuluk lebag.

Yohanes 6:67

Suhuluk laruk apagma, At Yesusen it omini dua belas epmano yig isaruk wilil, “Hit hag An sohorep nahalug, ariroho-at hiniog suhuluk hinibam lalihip ano?” ulug yig isebag.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Yohanes 6:71

ulug ariroho yig isebag ari, at Yudas, Simon Iskariot amloho etno farim-at yig isebag. Eke at Yudas etno Yesus omini dua belas-at oke, At ebe wabukag ulug inayonggo lebag etno fam, ariroho inayonggo lahu ulug iluk wilil yig isebag.

Yohanes 6:8

Ariroho yig ituk apagma, eke omin misig at Simon Petrus ot inuk Andreas etnowen yig ituk wilil,

Yohanes 7:3

At Yesus owe not epmanowen yig ituk wilil, “It hat homini epmanowen haren suruk ahenon inilanggen hawagsoho o duma sohorep isalug, o Yudea epma alu-o.

Kisah Para Rasul 11:26

Laruk apareg, ebe heako walug inim o Antiokhia etno wapag. Waharuk apareg, it Antiokhia aphe Allah wene warukon epmano tahun misig inim wilil, it yi aphe di aphe obog-at yanggul isaruk apag. Yanggul isaruk weregma, o Antiokhia etnowen it Yesus, Allah wene warukon ininuk Kristen ap ulug soal inapag.

Kisah Para Rasul 11:29

Yig isebareg weregma, it Allah wene warukon epmanowen uang it inomini o Yerusalem werehon epmano og isuog ulug balu sebag.

1 Korintus 10:31

Eke ari halug, hinaharom nenggeg, hinahik nenggeg, yi angge di angge suruk wilil, At Allah inuk-at suontepfuog ulug suruk amiek-o.

1 Korintus 7:39

Eke ap misig awan iluk wereg heheg uhwe etno at inim dambuksoho wereg-o. Eke fobik ahun etno waratuk halug, hwe arien ap at indi harukon holao ari fano-at-o. Ariroho suruk wilil, eke At Ninowe etno inuk fam ahun misig holao ari fano at-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Ibrani 13:4

Ariroho suruk wilil, hweap hinahuni hinim fano dambuksoho welamuk-o. Ariroho wilil, hweaben ap werlekon hinim seheg, eke aben hweap werlekon hinim seheg suruk am fug-o. It aphe nin yuhun-at surukon ari At Allahen oag deloko imbisahu-o.

Wahyu 3:20

Eke An nebe sok elma wilil, kik haruk ahi-o. Kik haruk ahion etno ap misihen esanggo holtug hut neahumu, at ibam etno kuhukseg, ninim nahuk-o.