Yohanes 2:19 - Allah Wene Hurumbik Keron

¹⁹ At Yesusen yig isaruk wilil, “Hiren o Allah ibam du mialoko umburuk hisalug, Anden ninggik henahanam faluhuk-o,” ulug yig isebag.

Yohanes 2:19 ပူးပေါင်းရင်းမြစ်များ

Matius 12:40

Eke at Yunus etno inggik henahan ikan suon ahla yonggareg welapag etno ilitoho, An Allahen minduhup naharision etno ninggik henahan kwean undama welaruhuk-o.

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 27:40

“Hat o Allah ibam mialoko umbulug ninggik henahanam faluhuk irikinon etno kidia Hat hebe e fam hombahakeson du demat Allah Amloho welahen halug, hebe hili holamihinen hibiloko imbisalug ambik ma-o,” ulug enggali wapag.

Matius 27:63

yig ituk wilil, “Ninowe-o, At ap enggal urukon etnowen awan iluk wilil, ninggik henahanam welaruhukseg fam niluksoho minduhup nahaku-o ulug yig nisarision etno ninindi ebetuk ahe-o.

Markus 14:58

Obam denggeluog ulug uruk wilil, “At etnowen o Allah ibam ap ininggiken falfahon du mialepfuhukseg, ninggik henahan welatlug ubulukmu it ap ininggiken faltuk etno hag faluhuk fug-o. Anden faluhuk ari akeleg neken-at faluhuk irisi-o,” ulug uruk apareg,

Markus 15:29

Ariroho imbisaruk apagma, it aphe nin epmano olohore bik halug laheg suruk apahon epmanowen inungguluag kili wandi suruk wilil,

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Yohanes 11:25

Eke it yi aphe di aphe An nobam ebetuk isalug, inebe waramuhubon oke, iniluk amuhup-o.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Kisah Para Rasul 2:24

Ariroho watikibon oke, eke At Allahen it warehon wereg ambeg epmanowen iluksoho minduhupfirisi-o. Minduhupfirisi ari it warehon hinel watuk ambeg welam hai buruk atisireg, minduhupfirisi-o.

Kisah Para Rasul 2:32

At Allahen Yesus it aphe warehon wereg ambeg epmanowen minduhupfirisi-o. Ariroho minduhupfirision etno niniluk wilil yig hisaruk ahe-o.

Kisah Para Rasul 3:15

At ap fanowon niniluk ninaptukon etno-at watikip-o. Watikibon oke, eke At Allahen it aphe warehon wereg ambehen iluksoho minduhupfirision etno hiniluk amag ulug yig hisaruk ahi-o.

Kisah Para Rasul 3:26

At Amloho iluksoho minduhupfirisimu, bilin hit obog yi dag di dag suruk atikibon epmano sohorep isalug fano hinabukag ulug belap hisa waharisi-o,” ulug at Petrusen yig isaruk apag.

Kisah Para Rasul 6:14

Eke at Stefanus etno At Yesus Nazareton etno awene uruk wilil, ‘At Yesus etno o Allah ibam mialoko umbulug, Musaen komo yig nisebahon etno olohore ninon neken-at umbuhu-o,’ ulug at Stefanus etnowen urukmu ninesanggo holehe-o,” ulug it epmanowen inenggal-at Stefanus obam denggelfag.

Roma 4:24

Eke nit hag alem dahon ninobam werehon epmano elehep nisahalug, At Allahen ninim fanoroho welamuog ulug dambuk ninaptisi-o, ulug niniluk amag ulug wene holal embebag-o. Eke At Allah Ninowe Yesus it aphe warehon wereg ambehen iluksoho minduhupfebahon etno obam ninindi ebetuk ahe-o.

Roma 6:4

Ariroho kolap nisaharusareg fam, At Kristus Ikni suon oag werehon etnowen iluksoho minduhupfebag etno hag, nit ariroho ninindi keron neken niniluk atlug welamag ulug minduhup nisaharisi-o.

Roma 8:11

Eke At Allah At Yesus it aphe warehon wereg ambehen iluksoho minduhupfebahon etno Roh Kudus hinindimu wereg halug, At Kristus it aphe warehon wereg ambehen iluksoho minduhupfebahon etnowen At Roh Kudus etno hinindimu og hisaruk wilil, hinebe waramuhubon epmano hinilukep hisahaku-o.

1 Korintus 15:12

Eke At Allahen Kristus warapag ambehen minduhupfebahon wene etno selegmaroho yig hisaruk nisalug, it aphe hiron ninen “Nit waratuk ambeg epmen minahe ha fug-o,” ulug uruk ari keroho ulug uruk-o?

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

1 Petrus 3:18

Eke At Kristus obabut mondog fanowon-at oke, hit dahon hinake-at warapag-o. Hiren dag suruk atikibon epmano hinapelegsoho At Allah apma imbisawag ulug warapag-o. At ebe wapahon oke, fobik iluksoho minduhupfebag.