Yohanes 2:16 - Allah Wene Hurumbik Keron

¹⁶ it ap sue yalme onggo hundutukon epmano yig isaruk wilil, “Hit yi angge di angge duma walug wilip amiek-o. Hit An Nikni ibam dumen yi angge di angge hundutuk am ari hai-o,” ulug yig isebag.

Yohanes 2:16 ပူးပေါင်းရင်းမြစ်များ

Matius 21:12

Eke fobik At Yesus etno o Allah ibam kuruk apareg, it ap yi angge di angge onggo baltuk apahon etno muko selema wilip isiug ulug it uang anggen hundutukon inahe daleg etno dahagsoho lemelepfeheg, eke it ap sue yalme inambeg hundirik kurukon etno inahe daleg etno lemelepfeheg suruk apareg, yig isaruk wilil,

Matius 21:13

“At Allahen ebahon etno Alkitab fam wene baleg weregma yig hisamin-o. At Allahen An nibam ari it apheyen sembahyang ik kuruk ambeg inibam du at-o, ulug uruk amuhup-o, ulug ebahon etno hinapeleg ano? Ariroho ebahon etno wereg heheg oke, it ap yi angge di angge inalomnangge heraharukon etno heraharik laruk etno hag, hit At Allah ibam du kik waharuk ahep-o,” ulug yig isebag.

Matius 22:5

Inayonggo lahap isebahon oke, it at omini epmano inesanggo holuk sohorep isalug, ineyabuk-at seg saruk apag-o. Ariroho suruk wilil, at misig eyabukmu laheg, eke at misig yi angge di angge onggo hundutuk ambeg epmano laheg suruk wilil,

Markus 11:17

Yig isaruk apareg, eke fobik yig isaruk wilil, “At Allahen ebahon etno Alkitab fam wene baleg weregma yig hisamin-o. At Allahen, ‘An nibam ari it yi aphe di aphe obog inungguluag dombog-at sembahyang ik kuruk ambeg inibam du at-o,’ ulug uruk amuhup-o, ulug ebahon etno hinapeleg ano? Ariroho ebahon etno wereg heheg oke, it ap yi angge di angge inalomnangge heraharukon epmano inakolen heraharik laruk etno hag, hit At Allah ibam du kik waharuk ahep-o,” ulug yangguloko yig isebag.

Lukas 2:49

eke At etnowen yig isaruk wilil, “An Nikni ibam duma welahi etno hit hinapelehen heag nabil lahep ano?” ulug yig isebag.

Yohanes 10:29

Eke At An Nikni it inebe og nepahon epmano akeleg-at suon wereg-o. Ari halug, inebe At An Nikni inggikmu weregma, ap misihen diloko og inabuhu fug-o.

Yohanes 2:15

Ilanggen isaruk apareg, hekel soaleg fam hele neken nomolepfuruk apareg, it yi wam di wam sapi inim, domba inim onggo hundutuk apahon epmano o At Allah ibam epmanowen obog-at muko wilip isebag. Muko wilip isaruk apareg, it ap uang anggen hundutuk ambeg inahe dalehon epmano olohore dahagsoho belapfeheg, eke uang anggen epmano bililirepfeheg suruk apareg,

Yohanes 20:17

Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 8:49

Yig ituk apagma, eke At Yesus etnowen yig isaruk wilil, “An nindimu setan eleg-o. Anden Nikni inuk-at suontepfuruk ahion oke, hiren dorontep naharuk ahep-o.

1 Timotius 6:5

Eke it ariroho surukon ari wene demat ulug ebetukon etno sohorep isalug wene du fam naharek anggolo aruhu-o, ulug inahla buruk-o.

2 Petrus 2:3

It epmano inonggarehen yi wene di wene inahla buhupseg, hit hinebe inapmarep hisaharuk amuhup-o. Inapmarep hisaharuk amuhubon oke, eke at oag del inaptukon etno iluk wilil, fobik mondog dagma-at imbisahu-o.