Yohanes 2:11 - Allah Wene Hurumbik Keron

¹¹ Yig ituk apagma, At Yesus etno o Kana Galilea epmen alem sukfuganggeroho suruk apag ari fam, ap du suon ulug selegma atuk apagma, At omini epmanowen At obam demat ulug ebetuk apag.

Yohanes 2:11 ပူးပေါင်းရင်းမြစ်များ

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 1:43

Yig ituk apareg, noholug ilikia At Yesus etno o Galilea laminen ulug ahla buruk apareg lebag.

Yohanes 1:50

Ariroho yig ituk apagma, At Yesus etnowen yig ituk wilil, “Anden hat hebe e siluk alma horieg weregma nil hiyihi-o, ulug yig hirihi etno fam, haren nobam ebetuk ahen-o. Ari halug, eke fobik sukfugangge suon etno surukmu hilanggen neahun-o,” ulug yig epag.

Yohanes 10:41

Epmano weregma, it yi aphe di aphe obog At ambeg wonggalik waharuk apareg uruk wilil, “At Yohanesen bilin sukfuganggeroho suruk atisi fuhon oke, ap du ahurumbik yig nisaruk atision etno demat hehe-o,” ulug uruk apareg,

Yohanes 11:15

Eke at ebe warariog ulug surukmu An ninim welatukuk fug ari, hit farim An nahien haruk ahi. Ariroho ihi ari, hiren An nobam ebebuhuben ulug ihi-o. Ari halug, hit ninim at ambeg luk-o,” ulug yig isebag.

Yohanes 11:47

Ariroho yig isaruk apagma, it Farisi ap epmano inim, eke it Allah unde inowesi suon epmano inimen it ap wene baltukon epmano obog-at wonggalep isalug, yig isaruk wilil, “Ap duen sukfuganggeroho suruk du, nit keroho suk-o?

Yohanes 12:18

Ariroho yig isil nuruk apagma, it yi aphe di aphe obog epmanowen inesanggo holtuk apareg, At Yesus inim heahi war war uog ulug lebag.

Yohanes 12:37

Herag apareg fam, it Yahudi ap epmano inil fam sukfugangge anggolo suruk apahon oke, it ninen At obam ebereheg eleg-at welapag.

Yohanes 12:41

At Yesus etno inuk suon-at welaruhu-o, ulug indi ebetuk wilil ahurumbik yig isebag.

Yohanes 14:13

Eke hiren An ninuk fam duroho sin ulug uruk hisalug, suruk aruhuk-o. Ariroho suruk aruhuk ari, An Nikni inuk etno An Amlohoen suontepfiog ulug-at suruk aruhuk-o.

Yohanes 16:27

Ari halug, hiren An nobam hinindi hunduhuk wilil, At Yesus ebe etno Allah wereg ambehen-at ambik waharisi-o, ulug nobam ebetuk atikip etno fam, Aren hinobam indi hunduhuk wereg-o.

Yohanes 16:30

Ariroho hearuk ahereg, Hat hebe etno yi angge di angge alem obog iluk ulug ninahla buruk ahe-o. Eke Haren nit hinog og ninabuk ari hai-o. Eke Hat hag yi angge di angge alem hiluk welahen etno fam, niren ebe At Allah wereg ambehen-at ambik waharisi ulug hobam ebetuk ahe-o,” ulug yig epag.

Yohanes 2:1

Eke fobik ininggik biren welapareg, o Kana Galilea epmano ap misihen hwe misig onggo wiog ulug sebag. Onggo wiog ulug sebareg weregma, At Yesus isina inim,

Yohanes 2:23

Eke fobik it Yahudi aben esoho inuk Paskah etno esetuk iseheg, At Yesus etno o Yerusalem wilil, sukfuganggeroho suruk apagma, it aphe obohen inilanggen haruk apareg, wi ulug At obam ebetuk apag.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 4:3

Ariroho holtuk apagma, At Yesusen it Farisi ap epmanowen inesanggo holtusa ulug At esanggo holtuk apareg, o Yudea etno sohorep isalug, iog suhuluk o Galilea etno wariog ulug suruk wilil,

Yohanes 4:46

Heahi warepfuruk apagma, At Yesus etno o Galilea epmen o doron Kana ik olohore e anggur ambusu neken sepfebag ambeg etno suhuluk wapag. Waharuk apagma, at ap inowe suon misig amloho o Kapernaum etnowen uk wareg weregma,

Yohanes 4:54

Ariroho inindi ebetuk apag ari, At Yesus o Yudeaen o Galilea waharuk apareg, alem sukfuganggeroho birenam sebahon etno fam inindi ebepag.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Yohanes 6:14

Ariroho umburuk apagma, it aphe obog epmanowen At Yesusen oag weregsoho suruk apahon epmano inilanggen haruk apareg, irit uruk wilil, “Wi, ap nabi suon misig o kweanma duma waruhu ulug hurumbik yig nisaruk apahon etno ebe du-at hehe-o,” ulug uruk apag.

Yohanes 6:2

it yi aphe di aphe obog epmano Aren aphe uk wareg isalug oag weregsoho fano inaptukmu inilanggen haruk apareg, mutlug lebag.

Yohanes 6:26

Yig ituk apagma, At Yesusen yig isaruk wilil, “Ari halug, An wene demat uruk amon etno yig hisamin-o. An noag weregsoho surukmu nearikibon epmano fam heag nabil wahep fug-o. We orom roti hinahumsoho narikibon epmano fam nebe heag nabil wahep-o.

Yohanes 6:30

Yig isaruk apagma, eke it epmanowen yig ituk wilil, “Nit ninil fam Haren hoag weregsoho sukfugangge misig suruk healug, hobam ninindi ebebulen misig nongge simihin-o?

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Yohanes 9:16

Yig isaruk apagma, it Farisi ap nin etnowen uruk wilil, “At ap fano sehekon du o hari Sabat fam yabuk suk fug uruk iseheg, fano sehek ari At ebe Allah une etno esanggo holtuk eleg hehe-o,” ulug uruk apagma, eke it ninen uruk wilil, “Ap dag surukon hahen sukfugangge ariroho selep fug hehe-o,” ulug ariroho uruk apareg, it inebe healeg welapag.

2 Korintus 3:18

Eke ari halug, hit obog ninolohore sum sambunteg elehon neken wilil, At Ninowe suon abikag suruk wilil alon werehon etno wukahi fam haruk etno hag ninilanggen haruk ahe-o. Eke At Roh Kudus etnowen nit ninebe At Ninowe etno ilitoho seg amag ulug suontep nisaharuk wereg-o.

2 Korintus 4:17

Eke kidia nanggog atuk wilil, ninahap dag atuk aheon dorat welamuhukseg, fobik ninitog mondog wilil ninebe suon fano mondog welamuhuk-o.

2 Korintus 4:6

Eke amuk At Allahen uruk wilil, “O hik wereg ambeg epma seleg amag-o,” ulug ebag etno hag, kidia ninindimu Aren o seleg etno og nisaruk-o. Eke o seleg og nisarukon etno At Yesus Kristus olohotmen fisag ninaptuk wilil, At Allah etno abikag suruk wilil alon werehon-at wereg-o, ulug niniluk amag ulug yig nisaruk-o.

1 Yohanes 5:13

Eke hiren hiniluk welamon etno hiniluk amag ulug holal du bal hisihi-o. Hit Allah Amloho inuk ebetuk ahebon epmano hiniluk welamon etno holahup-o. At Allah aso wilil, ninindi oag weregsoho ninim welaheon alem du at-o.