Yohanes 19:7 - Allah Wene Hurumbik Keron

⁷ Yig isaruk apagma, it Yahudi ap epmanowen yig ituk wilil, “Eleg-o, Aren An Allah Amloho-at ulug irisireg fam, nit wene komo yig nisebahon etnowen wabukag ulug yig nisaruk-o,” ulug yig epag.

Yohanes 19:7 ပူးပေါင်းရင်းမြစ်များ

Markus 15:39

Eke At Yesus etno une suon uruk apareg waratukmu, it ap sehen seneg werehon inowe suon neken etno olohotma minduhuk wilil yet hebag. Yet haruk apareg, uruk wilil, “Ap du Allah Amloho demat hihi-o,” ulug ebag.

Yohanes 19:8

Ariroho yig ituk apagma, at Pilatus etno esanggo holtuk apareg, nin akol anggolo hebag.

Yohanes 5:18

it Yahudi ap epmanowen At ebe mondog warepfuhuk-o, ulug inahla bebag. Ariroho inahla bebag ari, At Yesusen o hari Sabat fam yabuk suk fug ulug urukon etno elehepfeheg, eke At Allah ari An Nikni at-o, ulug yig iseheg, eke An Allah ilitoho-at welahi-o, ulug yig iseheg suruk apag etno fam ariroho inahla bebag.

Kisah Para Rasul 18:13

Imbik waharuk atusareg, yig ituk wilil, “At ap du dahan fahan suruk wilil, it apheyen At Allah obam ebetuk amag ulug yig isaruk-o,” ulug yig ituk atusama,

Roma 1:4

eke At indi Allah inim welapareg fam, it aphe warehon wereg ambeg epmanowen iluksoho minduhupfebag halug, At Allahen une oag weregsoho yig nisaruk wilil, “Du An Namloho-at-o,” ulug yig nisebag.