Yohanes 19:6 - Allah Wene Hurumbik Keron

⁶ Yig isaruk apagma, it ap Allah unde inowesi suon epmano inim, eke it ap yaharoho werehon epmano inimen ebe inilanggen haruk apareg, inune suon uruk wilil, “Eleg-o, At ebe kidia e fam lenggaloko umbulug paku waroko umbul-o,” ulug uruk apagma, at Pilatus etnowen yig isaruk wilil, “Ari halug, hiren ebe senoko e fam lenggaloko imbiek-o. Eke an hag Aren alem misig dag sirisi ulug nahla buruk ahi fug-o,” ulug yig isebag.

Yohanes 19:6 ပူးပေါင်းရင်းမြစ်များ

Matius 26:58

Epmano weregma, bilin At Yesus etno walug laruk iseheg, at Petrus etno fobik ombolim yamo damo laruk apareg, at ap Allah unde suon etno isilimu kebag. Kuruk apareg, at ap Allah unde suon osi yaharoho werehon etno inim horieg wilil, keroho suruk isamin-o ulug ilanggen yetoho welapag.

Matius 27:22

eke at Pilatus etnowen yig isaruk wilil, “Ari halug, At Yesus inuk misig Kristus etno keroho seko imbik-o?” ulug yig isaruk apagma, eke it obohen yig ituk wilil, “At ari hag e fam lenggalepfulug mondog paku waroko imbin-o,” ulug yig epag.

Matius 27:24

Yig ituk apagma, eke at Pilatus etnowen ahla buruk wilil, “It aphe du dahan fahan-at suog ulug uruk du, wene atog yig isao hai hihi-o,” ulug ahla buruk apareg, ik dot honanggoko walug, it obog wonggalfahon etno inil fam at inggik ho suruk apareg, yig isaruk wilil, “Ap du wabukon etno alem an nobam eleg-o. Hit hinobam dombog-at-o,” ulug yig isaruk apagma,

Lukas 23:4

Yig ituk apagma, eke at Pilatus etnowen it ap Allah unde suon inim, eke it aphe obog wonggalfahon epmano inim yig isaruk wilil, “At ap du alem ari dag sirisimu angginon etno obam imbiminen ulug nahla bihi fug-o,” ulug yig isebahon oke,

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Yohanes 18:31

Yig ituk apagma, at Pilatus etnowen yig isaruk wilil, “Ari halug, hit hinakeleg-at ap etno walug lalihipseg, hit hinawene komo yig hisebahon etno wereg halug, hiren At ap du oag deloko imbiuk-o,” ulug yig isebag. Ariroho yig isaruk apagma, it Yahudi ap epmanowen uruk wilil, “Nit ninakelehen ap ari wabuk usa-o,” ulug yig epag.

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Yohanes 19:4

Watuk apagma, fobik at Pilatus etno umen wilik waharuk apareg, it aphe wonggalik wapahon epmano yig isaruk wilil, “Ap du alem dag misig sirisi fug hihireg fam, hit hiniluk amag ulug walug wilik waharukmu hinilanggen nealihip-o,” ulug yig isebag.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 7:52

Eke it nabi ap epmano hit hinetamuki Allah wene yig isa waharuk apagma, iren muko wilip iseheg, inebe warep iseheg sebag-o. Eke it nabi ap epmano bilin, ‘Allah anggimbu fanowon waruhu,’ ulug hurumbik yig isaruk heheg oke, dahon etno-at inobam embebag. Eke fobik At hinili warukon ari Allah anggimbu fanowon etno hiren senoko watikip-o.