Yohanes 19:5 - Allah Wene Hurumbik Keron

⁵ Yig isaruk apagma, At Yesus etno e alog werehon fam ilkaharle sepfebahon etno inim, eke sum huluon etno inim obog-at wantoho wilik wapag. Wilik waharuk apagma, at Pilatus etnowen yig isaruk wilil, “Ap ebe du hinilanggen himiek-o,” ulug yig isebag.

Yohanes 19:5 ပူးပေါင်းရင်းမြစ်များ

Matius 27:29

Wantepfuruk apareg, hele alog werehon etno nomalepfulug ungguluagma ikaharle neken wantepfeheg, eke wanggun misig inggikmu og ereheg sebag. Ariroho suruk apareg, inindibahal yungguksoho apma kunuk uruk wilil, ahunda yatuk apareg, inenggal-at yig ituk wilil, “It Yahudi ap inowe inuk suon etno Hat-at heyehe-o Ninowe,” ulug yig ituk apareg,

Yohanes 1:29

Ikma belap isebareg, noholug ilikia at Yohanesen Yesus etno at ambeg waharukmu ilanggen haruk apareg, yig isaruk wilil, “Nit aphe o kweanma duma dag suruk nisalug, ninobam ninapelegsoho apma ninombisahukag ulug At Allahen anggom domba neken og nisarision etno ebe du at-o.

Yohanes 19:2

Og isaruk apagma, it sehen seneg werehon epmanowen hele alog werehon etno dambuksoho nomalepfuruk apareg, ungguluagma ilkaharle neken wantepfebag. Wantepfuruk apareg, At ebema sum huluon misig wantepfebag.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.