Yohanes 19:42 - Allah Wene Hurumbik Keron

⁴² O wik etno horogsoho weregma, it Yahudi ap epmano o sono hari Sabat uhuken ulug inahla buruk iseheg, At Yesus ebe o wik etno fam kolapfebag.

Yohanes 19:42 ပူးပေါင်းရင်းမြစ်များ

Yohanes 19:31

Waratuk apagma, o hari Jumat etno fam it Yahudi aben uruk wilil, “Nit o sono esoho Paskah etno esebuhukseg nahuk-o. Ari halug, o hari Sabat akelehon ari fam it inebe warehon etano e fam lenggaloko welam ari hai-o,” ulug inahla bebag. Inahla buruk apareg, it epmanowen at Pilatus yig ituk wilil, “Haren it ap e fam lenggaloko imbiseheson du iniog yumbuksoho og inaplug ambik wamag ulug yig isimin-o,” ulug yig epag.

Yohanes 19:14

Horie ebag ari, it epmano o sono esoho Paskah esebuhuken ulug inahla buruk iseheg, ilingge ilimbul jam dua belas fam horie ebag. Horie uruk apareg, at Pilatus etnowen it Yahudi ap epmano yig isaruk wilil, “Hinowe inuk suon etno ebe du hinilanggen himiek-o,” ulug yig isebag.

Yohanes 19:41

Ariroho suruk apareg, o At Yesus warepfebag ambeg horogsoho epmano yabuk misig ohoma o wik aphe wareg imbisaruk elehon keron misig welapag.

Kolose 2:12

Ariroho hinombisahabag etno fam, hit hinebe ikma belap hinaptukmu, At Yesus o wikelma waroko embebag etno hag, hinindi dahon sohorep isa ambulug, At Kristus iluk apag etno hag, ikmen minatikip-o. Ari bilin At Allahen At Kristus iluksoho minduhupfebahon etnowen hit hinindi oag weregsoho ikmen minduhup hisaharisi-o.

1 Korintus 15:4

Waratuk apagma, At ebe o wikelma kolapfebag. Kolapfuruk apagma, inggik henahan welapareg, At Allahen wene holal balfahon Alkitab fam wereg etno ilitoho ilukepfebareg, minduhupfebag.

Kisah Para Rasul 13:29

Eke Allah wene fam hurumbik ebahon etno obog-at obam umburusareg, ebe e fam lenggaloko umburuson etno walug o wikelma etno kolapfurusa-o.

Yohanes 19:20

Umburuk apagma, o At Yesus e fam lenggaloko embebag ambeg etno o Yerusalem horog-at wilil, it Yahudi ap anggolowen wane sebag.

Matius 12:40

Eke at Yunus etno inggik henahan ikan suon ahla yonggareg welapag etno ilitoho, An Allahen minduhup naharision etno ninggik henahan kwean undama welaruhuk-o.