Yohanes 19:30 - Allah Wene Hurumbik Keron

³⁰ Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.

Yohanes 19:30 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Matius 27:50

Uruk apagma, At Yesus etno une suon uruk wilil, sat wilipfuruk apareg, arat warapag.

Matius 3:15

Yig ituk apagma, At Yesusen yig ituk wilil, “Eleg-o, eke ariroho ehenteg oke, wene duroho suruk amuk eke duroho suruk am fug ulug ebahon etno ilitoho suk ari fano-o,” ulug yig ituk apagma, une eleg atuk apareg, Yesus ikma belapag.

Markus 15:37

Yig isaruk apagma, At Yesus etno une suon uruk apareg, warapag.

Lukas 22:37

Eke bilin hurumbik ebahon etno ilitoho suruk wilil, ‘At etno ap dag surukon neken iren dahon etno obam umburusa-o,’ ulug ebag etno hag, An nebe iren dahon epmano nobam umbuhup ulug An demat yig hisaruk ahi-o. Ari halug, fobik An nahurumbik wene embebahon etno ilitoho-at seg aruhu-o,” ulug yig isaruk apagma,

Lukas 23:46

Kahal atuk apagma, At Yesus etno une suon uruk wilil, “Nikni-o, An nahut Haren wimin-o,” ulug uruk apareg, warapag.

Yohanes 10:11

Eke at wam domba fanoroho inaso werehon etno An at-o. Eke at wam domba fanoroho inaso werehon etno ebe anggom domba etno inake waram fano ulug ahla buruk-o.

Yohanes 10:18

Eke An nebe etno it aphe nin inakeleg-at inahla buruk amuhupseg, nowabuhup fug-o. An nonggarehen it inake nowabukag ulug nahla buruk atikikon etno fam-at nowabuhup-o. Eke An nebe niluk welariog ulug, eleg aheg, wereg aheg, sukon etno unde welamag ulug An Niknien-at minduhup naharisi-o,” ulug yig isebag.

Yohanes 17:4

Eke Anden o kweanma duma Hat hinuk suontep haharikik-o. Suontep haharuk wilil, yabuk sukag ulug ninggikmu imbirikinon etno arat sirikik-o, Nikni.

Yohanes 19:28

Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Roma 10:4

Eke At Kristusen bilin wene duroho suruk amuk eke duroho suruk am fug ulug ebahon etno ilitoho sebag etno fam, it yi aphe di aphe At obam ebetuk isalug, At Allahen alem dahon inobam werehon epmano elegsoho imbisalug At inim dambultuk-o.

Roma 3:25

Eke At ebe At Allahen og nisebagma, nit ninake warapareg fam, ninindi At obam ebetuk nisalug, niren dag suruk atukukon epmano sohorep isalug, ninobam ninapelegsoho At apma ninombisaharuk-o. Eke At Allahen aphe ninim ariroho dambultuk ahe-o ulug surukon etno selegma amag ulug At Kristus og nisebag-o. Eke o amuk it aphe dag sebahon etno At Allah indi hunduhuk wilil dulum war inabuk sohorep isalug, inaso welapahon oke,

1 Korintus 5:7

Eke hit hag roti keron neken amuhuken ulug, roti su amag ulug werehon amukon dag sirikibon epmano horoho wilipfisiek-o. Eke it Israel ap amuk wam domba Paskah esebuog ulug wapag etno hag, At Kristus etno nit ninake warapareg fam,

Filipi 2:8

Ap ilitoho seg atisi ari, onggarehen seberepatalug, At Ikni une etno esanggo holtuk wilil, e fam lenggaloko nowabukag ulug At ebe etno onggarehen dorontepatarisi-o.

Ibrani 12:2

Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.

Ibrani 9:22

Eke wene duroho suruk amuk eke duroho suruk am fug ulug ebahon etnowen yig nisaruk wilil, “Yi angge di angge amben inobam werehon epmano wam amep fam ho inaptuk-o. Eke it apheyen dag surukon epmano wam amep-at onggo umbukag-o,” ulug yig nisebag-o.