Yohanes 19:28 - Allah Wene Hurumbik Keron

²⁸ Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Yohanes 19:28 ပူးပေါင်းရင်းမြစ်များ

Lukas 12:50

Eke iren dahon nobam umbukon etno arat nobam embelepmen fano-o.

Lukas 18:31

Eke fobik At Yesusen it omini dua belas epmano inakeleg-at yanggap isaruk apareg, yig isaruk wilil, “Hinesanggo holiek-o. Nit o Yerusalem laruk amuhukmu, it nabien An Allahen minduhup naharision nahurumbik ebahon etno it apheyen demat uhup-o.

Lukas 22:37

Eke bilin hurumbik ebahon etno ilitoho suruk wilil, ‘At etno ap dag surukon neken iren dahon etno obam umburusa-o,’ ulug ebag etno hag, An nebe iren dahon epmano nobam umbuhup ulug An demat yig hisaruk ahi-o. Ari halug, fobik An nahurumbik wene embebahon etno ilitoho-at seg aruhu-o,” ulug yig isaruk apagma,

Lukas 9:31

It biren etano boholmon inapinag suruk etno hag sil waharuk apareg, At Yesus fobik At Allahen ahla burukon etno ilitoho o Yerusalemen waramon etno yig epag.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 17:4

Eke Anden o kweanma duma Hat hinuk suontep haharikik-o. Suontep haharuk wilil, yabuk sukag ulug ninggikmu imbirikinon etno arat sirikik-o, Nikni.

Yohanes 18:4

Og inaplug waharuk apagma, At Yesus etnowen ariroho sen nabukon ulug iluk wilil, inolohotma laruk apareg, yig isaruk wilil, “Hit sa heahil wahep-o?” ulug yig isaruk apagma,

Yohanes 19:24

it sehen seneg werehon epmanowen irit uruk wilil, “Sum ari delepsul fug-o. At misihen abit-at holawag ulug helep etno esag esag uk-o,” ulug ebag. Ariroho ebag ari, bilin Alkitab wene baleg etno fam hurumbik uruk wilil, “An nasum etno arat sumburoko holarusa-o. Eke nasum selemon etno holuog ulug helep etno esag esag urusa-o,” ulug wene baleg fam ebahon etno demat ebag inahla bukag ulug, ariroho ebag. Uruk apareg, it ap sehen seneg werehon epmanowen ariroho-at sebag.

Yohanes 19:30

Denggeksepfik laharuk apagma, At Yesus etnowen e anggen ambusu etno naruk apareg uruk wilil, “An yabuk sukon epmano arat-o,” ulug uruk apareg ungguluag kunuk uruk wilil, warapag.

Yohanes 19:36

Eke it ariroho sebahon epmano bilin Alkitab wene baleg fam hurumbik uruk wilil, “At iog misig yumbuk suhup fug-o,” ulug ebahon etno demat ebag inahla bukag ulug ariroho sebag-o.

Yohanes 4:34

eke At Yesusen yig isaruk wilil, “An ebe naruk ahion ari, At lahap nabik waharision etnowen ahla burukon etno ilitoho seheg, eke An yabuk suruk amag ulug og nitision etno arat seheg suruk ahi ari fam, naharom neken nalug welahi-o,” ulug yig isebag.

Kisah Para Rasul 13:29

Eke Allah wene fam hurumbik ebahon etno obog-at obam umburusareg, ebe e fam lenggaloko umburuson etno walug o wikelma etno kolapfurusa-o.