Yohanes 19:17 - Allah Wene Hurumbik Keron

¹⁷ Walug luog ulug suruk apagma, At Yesus ahe At ebe lenggaloko umbukon etno omalo fam holalug, it obog inim laruk apareg, bunu misig inuk Ungguluagsili, eke it Ibrani inune fam Golgota etno lahabag.

Yohanes 19:17 ပူးပေါင်းရင်းမြစ်များ

Matius 10:38

Eke hit hinebe etno seberoho wilil hiren angge e salib etno hinomalo fam waruk amuhupseg, An lao ambeg mug naplug lahup fug halug, ninim welam hai aruhu-o.

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 27:37

Horie uruk apareg wilil, ungguluag fam anduhunmu epmano holal misig ‘At ebe an Yahudi ap inowe suon-at irisi etno fam warehe-o,’ ulug e kahaleg etno fam holal baloko embebag.

Markus 10:21

ulug yig ituk apagma, At Yesus etno indi famen ahmu haruk apareg, ilanggen fikfag wenaharuk wilil yig epag, “Hat wene misig du-at waruk ahen fug hiyihi-o, wene ebe waruk ahen fuhon ari, hat yi angge di angge anggolo werehon epmano fam uang anggen onggo baloko it aphe inaharek elehon epmano sumbut isimin-o. Og isaruk healug, hat haharek boholmen anggolo-at og hiruhu-o. Ari halug, An ninim sil nuruk amuhuken ma-o,” ulug yig epag.

Markus 15:26

E fam lenggaloko umburuk apareg, it epmanowen, ‘At ebe An Yahudi ap inowe suon-at irisi etno fam warehe-o,’ ulug e kahaleg etno fam holal balepfuruk apareg, ungguluag anduhunmu epmano embebag.

Markus 15:32

Ari halug, At Kristus it Yahudi ap inowe suon etno kidia e fam lenggaloko embeheson du hibiloko umbulug ambik wamag da. Ambik waharuk halug, nit ninilanggen haruk amulteg, demat ulug obam ninindi ebebulen-o,” ulug yamintal neken enggali wapag. Enggali watuk apagma, it biren inim e fam lenggalep isebahon etanowen inim-at At Yesus inenggal neken yig epag.

Markus 8:34

Winimug yig ituk apareg, it aphe wonggalik wapahon epmano inim, eke At omini epmano inim wol isaruk apareg, yig isaruk wilil “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o,” ulug yig isaruk apareg, eke fobik yig isaruk wilil,

Lukas 14:27

Eke hit hinebe etno seberoho wilil hiren angge e salib etno hinomalo fam wahup fug halug, An nomini neken welamuhup fug-o.

Lukas 23:26

Og isaruk apagma, it epmanowen Yesus walug laruk apareg, at Simon ibam Kireneon etno eyabukmuen yuhun-at o Yerusalem waharuk apagma, inim salkal uruk apareg, ma ulug ebe sen hebag. Ebe sen haruk apareg, e salib etno omalo fam embebag. Umburuk apareg, At Yesus ombolim walug lawag ulug yig epag.

Lukas 23:33

Waharuk apag, o misig inuk Ungguluagsili epmano waharuk apareg, At Yesus etno e fam lenggalepfulug paku warepfebag. Warepfuruk apareg, it ap biren dag suruk apahon etano at misig inggik bikit fil, at misig inggik harebag fil e fam lenggaloko imbisebag.

Lukas 23:38

Yig ituk apareg weregma, At ungguluag anduhumu epmano holal misig balfag ari, ‘Ap du ebe it Yahudi ap Inowe suon at-o,’ ulug holal baleg etno embebag.

Lukas 9:23

Yig isaruk apareg, eke fobik it obog yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno nintul nantul hinomalo fam holalug, An ninim-at sil nuruk amuhuk-o.

Yohanes 19:13

at Pilatus etno esanggo holtuk apareg, At Yesus etno walug, wilik wapag. Walug wilik waharuk apareg, o wene uruk ambeg etno inuk Helep daleg sili, eke it Ibrani inune fam Gabata etno kuruk apareg, ap wene baltukon ahe belareg etno fam horie ebag.

Yohanes 5:2

Lebareg epmano welapag. Eke o Yerusalem etno Wam domba inasok ele horogsoho etano ik misig yenggelegma, it aphe epmano kume watuk apag. Kume watuk ambeg etno it Ibrani inune fam inuk Betesda soalfag ari o baharik fuaben angge ik etno dahagsoho faleg welapag.

Kisah Para Rasul 7:58

Senetuk apareg, o Yerusalem etno selema fil imbik wilip atuk apareg, helep fam warik lebag. Warik laruk wilil, inasum loloko udag elege misig inuk Saulus etno aso welamag ulug umbulug lebag.