Yohanes 19:11 - Allah Wene Hurumbik Keron

¹¹ Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Yohanes 19:11 ပူးပေါင်းရင်းမြစ်များ

Matius 26:65

Yig isaruk apagma, at ap Allah unde inowe suon etno asum libil saruk apareg, yig isaruk wilil, “Ap duen Allah inuk seberoho umburuk-o. Nit keroho ulug fobik inim hinog wuk uruk ahe-o? Aren Allah abug balehekon hit duma hinesanggo holehepseg, nongge hinindi ebetuk ahep-o?” ulug yig isaruk apagma,

Matius 27:2

Wene baltuk apareg, At Yesus etno hele bisuemanggen fam waroko walug at Pilatus, Gu­bernur etno ambeg imbik lebag.

Matius 6:13

Eke ninindi kahalik waharukim, iblis lisoko wilipfin-o. Eke Hat suon hoag werehon-at welahen-o. Hat fanowon halon werehon-at wela­hen-o. Hat hebe walhan-at halug, hitog mondog welahen-o. Amin,’ ulug ariroho sembahyang uruk amuk-o.

Markus 14:44

Yig isaruk wilil, “An heahi watuk neken nambilik mitig haruk nealug, hiren ap ebe du at-o, ulug hog laruk atlihipseg, hininggik keteroho seneriuk-o,” ulug yig isebag.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Yohanes 18:13

At Hanas ahaloho at Kayafas, tahun ari fam Allah unde inowe suon welapahon etno oho welapag.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Yohanes 19:10

Ariroho weregma, at Pilatus etnowen yig ituk wilil, “Hat hune yig num hamberaken suruk ahen oke, eke Hat hebe hili wawon etno inim, eke e fam lenggaloko hombahukag ulug yig isawon etno inim an unde welahi etno hapelehen suruk ahen ano?” ulug yig epag.

Yohanes 3:27

Yig ituk apagma, at Yohanes etnowen yig isaruk wilil, “At Allahen yi angge di angge og nisaruk eleg halug, it apheyen holao ari hai-o.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 9:41

eke At Yesusen yig isaruk wilil, “Hit demat hinilanggen bug welatlepmen, dag suon suruk atlep fug oke, hiren ninilanggen fenggeneg-at welahe-o, ulug suruk amuhup-o,” ulug yig isebag.

Kisah Para Rasul 2:23

Eke At Allahen indi ebetuk wilil, At Yesus senebukagsoho og isahuk ulug ahla buruk apareg og hisarisimu, hiren it ap selemon dahon epmanowen e fam lenggaloko paku waroko umbukag ulug og isarikipseg, hinim watikip-o.

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 4:28

Watuson oke, eke Haren bilin hahla buruk wilil ariroho seg aruhu-o ulug uruk senahon etno fam-at surusa-o.

Roma 11:36

Eke yi angge di angge epmano obog bilin At Allahen-at wal hebareg fam, kidia inebe werehep isaruk-o. Eke yi angge di angge epmano At inuk su amag ulug-at wereg-o. Ari halug, niren nintul nantul Allah inuk-at suontepfuruk amuk-o.

Roma 13:1

Eke it yi aphe di aphe obohen it inowesi pemerintah epmano inune inesanggo holukag-o. Eke At Allahen it inowesi pemerintah epmano wene baltuk amag ulug minduhup isarisi fuhon misig wereg eleg-o. Eke it pemerintah wene baltukon wereg epmano At Allahen-at minduhup isarisi-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

Yakobus 4:17

Eke ap misig fanoroho sukon etno iluk wilil oke, ilitoho suruk eleg halug ari, dag-at suruk-o, ulug hinahla buruk wilil, hinesanggo fanoroho holtuk amiek-o.