Yohanes 18:8 - Allah Wene Hurumbik Keron

⁸ Eke hit An nebe etno heag nabil wahep halug, it ap nin duma sen inabuk sohorep isalug, wilip amiek ulug yig isimiek-o,”

Yohanes 18:8 ပူးပေါင်းရင်းမြစ်များ

Matius 26:56

eke kidia sen naptuk ahep ari, amuk it nabi ap Allah wene hurumbik yig isaruk apahon etnowen Alkitab wene baleg fam duroho senebuhup ulug embebahon etno demat seg atisi ulug inahla bukag ulug ariroho-at sen naptuk ahep-o,” ulug yig isebag. Yig isaruk apagma, At omini obog-at sohorep isalug hite wilip apag.

Yohanes 10:28

Eke Anden iniluk welamon og isaruk nealug, mondog waramuhup fug-o. Eke it inebe epmano An ninggikmu weregma, ap misihen diloko og inabuhu fug-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:36

Yig isaruk apagma, at Simon Petrus etnowen yig ituk wilil, “Hat hebe kema liog ulug ehen-o Nowe?” ulug yig ituk apagma, eke At Yesus etnowen yig ituk wilil, “O An lahuk ambeg epma kidia hat mug naplug lao ari hai oke, fobik-at mug naplug lahun-o,” ulug yig epag.

Yohanes 16:32

Ariroho uruk ahebon oke, fobik hit hinibam dombog muko wilip hisaharuk amuhupmu, wilip atuk wilil, An nakeleg-at sohorep nahalug wilip amuhup-o. Eke An nakeleg-at welaruhuk ihi ari, demat ihi fug-o. An Nikni etno ninim-at welamuhuk-o.

Yohanes 18:7

Yig atuk apagma, eke At Yesusen fobik yig isaruk wilil, “Hit hinebe sa heahil wahep-o?” ulug yig isaruk apagma, eke it epmanowen yig ituk wilil, “Nit At Yesus ibam Nazareton etno heahil wahe-o,” ulug yig epag. Yig ituk apagma, eke At Yesus etnowen yig isaruk wilil, “An nebe bilin du welahi ulug arat yig hisihi-o.

Yohanes 18:9

ulug ariroho yig isebag ari, At Yesusen bilin sembahyang uruk wilil, “Nikni-o, it inebe Haren An og nitikinon epmano misig eleg atisi fug-o, ulug ebahon etno it epmanowen demat ebag inahla bukag ulug, Aren ap nin epma wilip amiek ulug yig isimiek-o,” ulug yig isebag.

1 Korintus 10:13

Eke hinindi kahalik wamon etno hag, it yi aphe di aphe obog-at inindi kahalik waharuk halug, hinindi oag eleg am nowen ulug, At Allahen bilin hurumbik yig hisebag etno ilitoho maha hinombisahaku-o. Eke at misihen hinindi kahalik waharuk halug, hinindi oag weregsoho welamuhuben ulug, At Allahen hinili wahu-o.

2 Korintus 12:9

At Allahen yig nituk wilil, “An nahmu hearuk ahion etno-at wereg-o, eke An noag weregsoho suruk ahion etno, hat hebe hoag elegsoho wereg healug suruk ahi-o,” ulug ariroho yig nitisireg fam, an noag elehon welahi-o, ulug suontepatawon ari nahien haruk ahi-o. Eke an nebe ariroho welahi ari, At Kristus oag werehon etno-at og nemag ulug welahi-o.

Efesus 5:25

Eke At Kristus etno At udaki indi hunduhuk welapag etno hag, hit aben hinuhwesi hinindi hunduhuk welamuk-o. Eke At Kristus ari At udaki inake warapareg fam,

1 Petrus 5:7

Ariroho suhuon hiniluk wilil, hit hinindi seneni ebetuk ahebon epmano obog At hinaso werehon etno yig ituk amiek-o.