Yohanes 18:4 - Allah Wene Hurumbik Keron

⁴ Og inaplug waharuk apagma, At Yesus etnowen ariroho sen nabukon ulug iluk wilil, inolohotma laruk apareg, yig isaruk wilil, “Hit sa heahil wahep-o?” ulug yig isaruk apagma,

Yohanes 18:4 ပူးပေါင်းရင်းမြစ်များ

Matius 16:21

Eke fobik At Yesusen omini epmano wene yanggul isaruk wilil, “An fobik o Yerusalem laruk aruhukmu, it inowesi suon epmano inim, eke it Allah unde suon etno inim, it wene holal baleg unde epmano inimen dahon neken nowabuhup-o. Nowatuk amuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Matius 26:2

“Nininggik biren welamuhukseg, esoho inuk Paskah esebuhuk etno hiniluk-o. O ari fam An Allahen minduhup naharision etno e fam lenggaloko nombahalug warep nahukag ulug og isahup-o,” ulug yig isebag.

Matius 26:21

Horie uruk apareg, orom naruk iseheg, At Yesusen yig isaruk wilil, “Hit An ninim welaheon du hat misihen An sen nabukag ulug yonggo lahen hiyihi-o,” ulug yig isebag.

Matius 26:31

Eke fobik At Yesus etnowen yig isaruk wilil, “Alkitab wene baleg fam hurumbik duroho yig nisaruk-o, ‘Anden at wam domba inaso werehon etno waruhuk halug, it domba inim sil nurukon epmano hite wilip amuhup-o,’ ulug yig nisebahon etno ilitoho, hit obog o yoho hupmu nebe sohorep nahalug wilip muhubon oke

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:11

At Yesus etno, “Ap duen An sen nabukag ulug yonggo likon-o ulug iluk wilil, hit obog kume warehon welahep oke, at misig-at kume wareg eleg wereg-o,” ulug yig isebag.

Yohanes 18:5

eke it epmanowen yig ituk wilil, “Nit At Yesus ibam Nazareton etno heahil wahe-o,” ulug yig epag. Yig ituk apagma, eke At etnowen yig isaruk wilil, “An nebe etno du-at welahi-o,” ulug yig isebag.

Yohanes 18:7

Yig atuk apagma, eke At Yesusen fobik yig isaruk wilil, “Hit hinebe sa heahil wahep-o?” ulug yig isaruk apagma, eke it epmanowen yig ituk wilil, “Nit At Yesus ibam Nazareton etno heahil wahe-o,” ulug yig epag. Yig ituk apagma, eke At Yesus etnowen yig isaruk wilil, “An nebe bilin du welahi ulug arat yig hisihi-o.

Yohanes 19:28

Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Yohanes 6:64

Ariroho yig hisihion oke, hit ninen eberoko waruk ahep fug-o,” ulug ariroho yig isebag ari, At Yesusen bilin ahla buruk wilil, it ap duen wene yanggul isaruk ahion epmano eberoko wahup fug-o. Ariroho wao sohorep isalug, at misig duen An nowabukag ulug inayonggo lahu-o, ulug ahla buruk wilil, iluk mondog welapag.

Kisah Para Rasul 2:28

Eke an niluk welamon kwalem etno yanggul nituk atikinmu, fobik ninim wilil nahien suon hahuk-o,’ ulug at Daud etnowen yig epag.” Yig epahon etno at Petrusen yig isaruk apareg, eke fobik yig isaruk wilil,

1 Petrus 4:1

At Kristus etno alem elegma ebe yuhun-at yikangge wapag halug, hit ari sebahon hinahla buruk wilil, hinindi oag wereg amag ulug ebetuk amiek-o. Alem elegma inebe yikangge war inaptuk ari fam dag surukon alem etno eleg atisi-o.