Yohanes 18:37 - Allah Wene Hurumbik Keron

³⁷ Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

Yohanes 18:37 ပူးပေါင်းရင်းမြစ်များ

Yohanes 8:47

Eke it yi aphe di aphe obog At Allahen endag inaptukon etno hag At Allah une-at inesanggo holtuk-o. Eke hit hinebe At Allah udaki neken welahep fug ari fam An nune etno hinesanggo holtuk ahep fug-o,” ulug yig isebag.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

Yohanes 8:14

Yig ituk apagma, At Yesusen yig isaruk wilil, “An nawene etno nonggarehen-at yig hisaruk ahi ari, hiren wene demat uruk amon etno yig hisaruk ahi-o. Eke An nebe etno epmen waharikik, epma lahuk ulug niluk oke, hiren epmen waharisi, epma lahu ulug, hinapeleg-at welahep-o.

1 Yohanes 3:19

Ari halug, demat wene etno ninindimu ebetuk ahe, ulug niniluk-o. Eke At Allah ninim uruk wilil, ninindi oag weregsoho uk fano.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 7:17

Eke ap misig At Allah ahla burukon etno ilitoho siog ulug suruk halug, An wene yanggul hisaruk ahion etno, At Allahen yig itukmu suruk ano, onggareg ahla bulug-at suruk ano, ulug iluk arikon-o.

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,

Lukas 23:3

ulug hinog waruk apagma, At Yesus etnowen yig ituk wilil, “Ari demat ehen-o,” ulug yig epag.

Markus 15:2

At Pilatus etno ambeg imbik laruk apagma, at Pilatus etnowen hinog waruk wilil, “It Yahudi ap Inowe suon etno Hat At ano?” ulug hinog waruk apagma, At etnowen yig ituk wilil, “Ari demat ehen-o,” ulug yig epag.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.

Yohanes 3:32

Eke At boholmen ambik waharukon etnowen yi angge di angge ilanggen harukon epmano inim, esanggo holtukon epmano inim obog-at yig isarukon oke, iren At awene etno eberoko waruk eleg-o.

Matius 26:64

eke At Yesus etnowen yig ituk wilil, “Hat ehen ari, demat ehen-o. Eke misig du yig hisamin-o. O yoho du famen An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Matius 27:11

Eke fobik At Yesus etno it inowe suon Gubernur etnowen olohotma minduhupfulug unema hinog waruk wilil, “It Yahudi ap Inowe suon etno hat-at ano?” ulug hinog waruk apagma, At Yesus etnowen yig ituk wilil, “Ari demat ehen-o,” ulug yig epag.

Wahyu 3:14

Eke fobik an yig nituk wilil, “At it jemaat o Laodikia aphe inaso werehon etno og emag ulug holal duroho imbimihin-o: At inuk Amin soaleg wilil, At Allahen wal hebahon etno obog alem unde neken werehon etnowen demat ulug yig hisaruk wilil,

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

1 Yohanes 3:14

Nit wareg neken welatukukon oke, kidia ninilukep nisaharisi-o; eke ninomini ninindi hun inaptuk ahe arien niniluk atuk-o. Eke at misig omini indi hun inaptuk elehon halug, wareg neken wereg-o.

Lukas 22:70

Yig isaruk apagma, eke it obohen uruk wilil, “Ari halug, Hat hebe At Allah Amloho-at ano?” ulug uruk apagma, eke At etnowen yig isaruk wilil, “Hat Allah Amloho welahen ulug hiren-at yig nituk ahep-o,” ulug yig isebag.

Markus 14:62

Hinog waruk apagma, At Yesus etnowen yig ituk wilil, “An nebe du at-o. Eke An Allahen minduhup naharision etno fobik At oag mondog werehon etno inggik bikit fil horieg welaruhukseg, hena famen ambik waharukmu hinilanggen yet neahup-o,” ulug yig isebag.

Yohanes 1:14

Eke At Wene etno ebe ap-at endag atuk apareg, aphe obog ninahla sil nuruk wilil, At ebe suon-at welapag etno fam, sukfugangge seheg, eke ninabua seheg, eke demat urukon wene etno yig niseheg surukmu ninilanggen haruk soag-o. Ariroho haruk soag ari, Ikni Allah Amloho misig-at welapag etno ebe suon-at welapag-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 8:45

Ariroho wereg oke, eke Anden wene demat urukon etno yig hisaruk nealug, hiren nobam ebetuk ahep fug-o.

Yohanes 8:46

Eke An nebe hat dag du sirikin ulug hat sen nobam denggeluhun-o? Ari eleg-o. Anden wene demat uruk amon etno-at yig hisaruk ahion oke, hit keroho ulug nobam ebetuk ahep fug-o?

1 Yohanes 2:21

Yi angge di angge obog epmano hinapelegma halug, anden holal du bal hisihi fug. Eke yi angge di angge obog epmano hiniluk halug, anden holal du bal hisihi-o.