Yohanes 18:36 - Allah Wene Hurumbik Keron

³⁶ Yig ituk apagma, eke At Yesusen yig ituk wilil, “An nebe Inowe suon welamon etno kidia o kweanma dumen suon neken welahi fug-o. An nebe o kweanma dumen suon neken welatlemen, it Yahudi aben ebe senebuk nowen ulug, it An nomini epmanowen nili wim aplep-o. Ariroho aplebon oke, An nebe inowe suon welamon etno it ap o kweanma dumon inowesi suon wereg epmano hag welahi fug-o,” ulug yig epag.

Yohanes 18:36 ပူးပေါင်းရင်းမြစ်များ

Matius 26:53

Eke An kidia Niknien nili wawag ulug ayonggo embelemen, Aren it malaikat inebe dua belas ribu etnowen wendat nabukag ulug lahap isa watlep etno hat hapelehen suruk ahen ano?

Lukas 12:14

eke At Yesusen yig ituk wilil, “Nomin-o, hit oag del hinaptuk wilil, hinikni inggik seneg epmano sumbut hisaruk amag ulug An sen minduhup naharisi-o?” ulug yig epag.

Yohanes 18:35

eke at Pilatus etnowen yig ituk wilil, “An nebe etno Yahudi ap ulug hahla buruk ahen ano? Wene ebe etno it ap hat hungguluahon epmano inim, eke it inowesi Allah unde suon epmano inimen hebe senoko og haplug nambeg hombahik wahesa-o. Ariroho hombahik wahesa ari, Haren alem nongge sirikin-o?” ulug yig epag.

Yohanes 6:15

Ariroho uruk apagma, At Yesusen ahla buruk wilil, “An nebe it Inowe suon neken welamag ulug ininggik oag weregsoho sen naplug minduhup nahuog ulug suruk-o,” ulug ahla buruk apareg, At etno akeleg-at bunu anggolo wereg ambeg epmano lebag.

Yohanes 8:15

Eke it aphe kweanmonen suruk etno hag, hiren aphe inoag deloko imbisaruk ahep oke, An hag aphe inoag deloko imbisaruk ahi fug-o.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

1 Timotius 6:13

Eke At Allah yi angge di angge iniluksoho umburukon etno inim, eke At Kristus Yesus at Pontius Pilatus il fam demat wene ebahon etno inim it ininuk fam yig hituk ahi-o,