Yohanes 18:28 - Allah Wene Hurumbik Keron

²⁸ Eke fobik ilikia hubet At Yesus etno walug, Kayafas ibam epmanowen at Pilatus wene baltuk ambeg epmano imbik lebag. Imbik laruk apareg, it Yahudi ap esoho Paskah fobik esoko nuog ulug inahla buruk wilil, nit esoho nul fam ari, ninobam sabele am nowen ap Allah wene apelehon etno ibam kuk usa-o, ulug inahla buruk apareg, at etno ibam kebag fug.

Yohanes 18:28 ပူးပေါင်းရင်းမြစ်များ

Matius 27:27

Og isaruk apagma, it Pilatus osi sehen seneg werehon epmanowen walug it inowe suon Gubernur etno ibam epmano kebag. Walug kuruk apareg, inomini sehen unde epmano obog At ambeg wonggalik wapag.

Markus 15:16

Og isaruk apagma, it sehen unde epmanowen walug it inowe suon Gubernur etno ibam isilimu epmano kebag. Walug kuruk apareg, inomini sehen unde epmanowen wabukag ulug inayonggo embebag. Inayonggo umburuk apareg, balu sik wapag.

Lukas 22:66

Eke fobik o witaruk apagma, it Yahudi ap inowesi inim, it Allah unde suon epmano inim, eke it wene unde epmano inim wonggaltuk apareg weregma, At Yesus etno inambeg walug imbik lebag.

Yohanes 11:55

Epma weregma, it Yahudi aben esoho inuk Paskah etno esebuog ulug suruk wilil, it yi aphe di aphe o aliluke werehon epmano obog-at o Yerusalem wapag. Waharuk apareg, bilin At Allahen hinobam ho suruk amuk ulug yig isebahon etno ilitoho ho sebag.

Yohanes 18:13

At Hanas ahaloho at Kayafas, tahun ari fam Allah unde inowe suon welapahon etno oho welapag.

Yohanes 18:15

At Yesus etno walug imbik laruk apagma, at Simon Petrus etno Yesus omin misig inim mutlug lebag. Mutlug laruk apagma, at Allah unde inowe suon etnowen at Yesus omin misig etno ebe iluk heheg oke, at etno Yesus inim at Allah unde inowe suon etno ibam olma luog ulug lebag.

Yohanes 18:33

Yig ituk apagma, at Pilatus etno o wene baltuk ambeg etno kuruk apareg, At Yesus etno wol hebag. Wol haruk apareg yig ituk wilil, “Hat hebe it Yahudi ap epmano Inowe suon welahen ano?” ulug yig ituk apagma,

Yohanes 18:39

hiren o hari Paskah fam ap hele warehon misig hibilipfin ulug yig nitukmu, tahun nintul nantul wilil, hibil hisaruk ahi etno hag, o yoho hit Yahudi ap hinowe suon du hibil hisik ano?” ulug yig isaruk apagma,

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Yohanes 19:14

Horie ebag ari, it epmano o sono esoho Paskah esebuhuken ulug inahla buruk iseheg, ilingge ilimbul jam dua belas fam horie ebag. Horie uruk apareg, at Pilatus etnowen it Yahudi ap epmano yig isaruk wilil, “Hinowe inuk suon etno ebe du hinilanggen himiek-o,” ulug yig isebag.

Yohanes 19:9

Akol haruk apareg, o wene baltuk ambeg etno suhuluk kebag. Kuruk apareg, At Yesus etno yig ituk wilil, “Hat hebe kemen waharikin-o,” ulug hinog og hebahon oke, At Yesus etno une ilik eleg-at welapag.

Kisah Para Rasul 10:28

yig isaruk wilil, “Nit Yahudi ap Allah wene waruk aheon epmano it aphe Allah wene waruk elehon inambeg lao hai oke, Allahen yi aphe di aphe inambeg lao ari usa eleg-o, ulug yig nitisi-o.

Kisah Para Rasul 10:32

Ariroho iluk atisireg fam, haren ap misig inuk Simon Petrus o Yope ap Simon wam ahap denetukon ibam ik ayegma inim wereg epmano wamag ulug yonggo lahap isin-o,’ ulug yig nitisimu,

Kisah Para Rasul 11:3

“Hat keroho ulug ap iyunggul ambilik baleg elehon etno ambeg larikinteg, hinim orom narikip-o?” ulug inune fanggogsoho yig ituk apagma,

Kisah Para Rasul 3:13

Bilin At Allah inuk it ninetamuki Abraham, Ishak, Yakub iren webahon, At Allahen bilin it ninetamuki Abraham, Ishak, Yakub inabua isebag etno ilitoho kidia At Amloho Yesus etno inuk suontepfirisi-o. Suontepfirision oke, eke hiren At ebe wabukag ulug at Pilatus etno inggikmu imbirikip-o. Imbirikipmu, at Pilatusen ebe hele hibiloko imbisiek ulug yig hisarision oke, hiren At niron eleg-o ulug irikip-o.

Kisah Para Rasul 4:27

it Herodes, Pontius Pilatus inim, it hawene waruk elehon epmano inim, eke it Israel ap inim, it obog dambuksoho wilil, At hanggimbu Yesus Kristus minduhupfirikinon etno watusa-o.