Yohanes 18:20 - Allah Wene Hurumbik Keron

²⁰ At Yesusen yig ituk wilil, “An nawene etno nintul nantul aphe obog selegma-at yig isaruk atikik-o. Ariroho yig isaruk atikik ari, o Allah wene uruk ambeg epmano inim, eke o Allah ibam it Yahudi aphe obog wonggalik waharuk ambeg epmano inim, obog-at selegmaroho yanggul isarikik-o. Ariroho yanggul isaruk wilil, Anden herako neken uruk atikik fug-o.

Yohanes 18:20 ပူးပေါင်းရင်းမြစ်များ

Matius 24:26

Eke it aphe ninen yig hisaruk wilil, “At ebe o limu epmano wereg etna hinilanggen bik ha alu-o,” ulug yig hisaruk isalug, hit o epma la fug-o. Eke it ninen, “At ebe o undama duma wereg-o,” ulug yig hisaruk isalug, demat ulug hinindi ebebuk fug-o.

Matius 26:55

Yig ituk apareg, At Yesusen it ap wonggalik wapahon etno yig isaruk wilil, “An nebe ap dahon ahama sen nabuog ulug karog yikangge inim walug wahep ano? Eke hit ap nin Anden o Allah ibam epmanowen wene yig hisaruk wilil, ninim horieg welatukukon etnowen sen naptikip fuhon oke,

Matius 26:65

Yig isaruk apagma, at ap Allah unde inowe suon etno asum libil saruk apareg, yig isaruk wilil, “Ap duen Allah inuk seberoho umburuk-o. Nit keroho ulug fobik inim hinog wuk uruk ahe-o? Aren Allah abug balehekon hit duma hinesanggo holehepseg, nongge hinindi ebetuk ahep-o?” ulug yig isaruk apagma,

Matius 4:23

Inim laruk apagma, At Yesus etno o Galilea etno obog-at dahag dahag sil nuruk wilil, iren wene uruk ambeg o falegma epmanowen yanggul iseheg, eke At Allahen sukon wene fano wene etno yig iseheg, eke it aphe obog uk warehon inim, ukmurohon inim fano inabeheg sil nuruk apag.

Matius 9:35

Eke fobik At Yesus etno o ahik ya da o sumu dotma epmano ya keheg lebag. Laruk wilil, it o Allah wene uruk ambeg epmanowen yanggul iseheg, eke At Allah weregmen sukon wene fano wene etno yig iseheg, eke it uk warehon epmano obog-at fano inabeheg sil nuruk apag.

Markus 8:32

at Petrus etnowen ebe akeleg-at walug lebareg, yig ituk wilil, “Ariroho uk fug-o,” ulug winimug yig epag.

Lukas 21:37

Ariroho At Yesus o Allah ibam epmanowen nintul nantul Allah wene yig isaruk wilil, hubanggo wilip atlug, dom Zaitun fam nohoruk apag.

Lukas 4:15

Ariroho uruk apareg weregma, At Yesus etno it sembahyang uruk ambeg epmanowen wene yanggul isaruk apagma, it obohen At Yesus etno inuk suontepfebag.

Yohanes 18:21

Ariroho yig isaruk atikikon oke, hat keroho ulug nunema hinog og naptuk ahen-o? Ari halug, it aphe An nune inesanggo holtuk atuson epmano inim-at inunema hinog wimin-o. Eke it epmano Anden wene yig isarikikon etno iniluk wereg heheg, haren keroho yig hisarisi ulug hinog og inabin-o,” ulug yig epag.

Yohanes 6:59

ulug At Yesusen o Kapernaum etno o Allah wene uruk ambeg epmanowen wene yig isaruk wilil yanggul isebag.

Yohanes 7:14

Ariroho selegma eheg eleg-at weregma, it Yahudi ap etno nin fobik esebuhuken ulug nin esetukmu, At Yesus etno o Allah ibam epmano laruk apareg, wene yanggul isaruk apag.

Yohanes 7:26

Ariroho wabuog ulug surukon oke, Aren selegmaroho yig isaruk halug, ap misihen winimug ituk eleg ari haruk ahep ano? Ari halug, it ninowesi etno ap du ebe At Kristus at-o ulug iniluk wereg ano?

Yohanes 7:28

Ariroho uruk apagma, At Yesus etno o Allah ibam epmano une suontoho yig isaruk wilil, “Hiren ebe niniluk etno hag o epmen waha ulug niniluk at-o, ehep ari, hit demat niniluk buruk ahep ano? Eke An nebe nonggarehen-at ambik waharikik fug-o. Eke At lahap nabik waharision etnowen demat yig hisaruk-o. Eke hiren At ebe etno hinapeleg-at oke,

Yohanes 7:4

Eke at misihen sukfuganggeroho suruk wilil, it yi aphe di aphe obohen at ebe iniluk amag ulug herako neken suruk eleg-o. Eke Hat sukfuganggeroho suruk healug, it yi aphe di aphe kweanmon obohen hebe iniluk amag ulug selegmaroho-at suruk amin-o,”

Yohanes 8:2

Laharuk apareg, noholug ilikia hubet o Allah ibam epmano ambik waharuk apareg, At bulmu wereg heheg, it aphe obog ambeg dahagsoho wonggalik wapag. Wonggalik waharuk apagma, At etno horie uruk apareg, wene yanggul isaruk apag.

Yohanes 8:26

Eke An nonggarehen wene yig hiseheg, hinaren baleheg suruk atleon oke, At lahap nabik waharision etnowen wene demat uruk amon etno yig nitukmu wene etno nesanggo holtug, Anden it aphe kweanmon duma yig isaruk ahi-o,” ulug yig isebag.

Kisah Para Rasul 26:26

Eke nikni Agripa wai, anden yi wene di wene ihion epmano hat hiluk weregma, an nakol elegsoho yig hituk ahi-o, ulug ihion epmano selegma-at surukmu, hat obog hiluk atisi-o.