Yohanes 18:13 - Allah Wene Hurumbik Keron

¹³ At Hanas ahaloho at Kayafas, tahun ari fam Allah unde inowe suon welapahon etno oho welapag.

Yohanes 18:13 ပူးပေါင်းရင်းမြစ်များ

Matius 26:3

Yig isaruk apagma, eke fobik it Allah unde suon etno inim, eke it Yahudi ap inowesi suon epmano inim, at Kayafas Allah unde inowe suon etno ibam wonggalik waharuk apareg,

Matius 26:57

Wilip atuk apagma, it At Yesus hele waroko senepahon epmanowen walug, o at Kayafas Allah unde suon ibam etno imbik lebag. Imbik laruk apagma, it wene unde epmano inim eke it inowesi suon epmano inim o epmano wonggalik waharuk apareg welapag.

Lukas 3:2

Eke it Hanas inim, Kayafas inim Allah unde inowe suon welapag. It obog ariroho weregma, at Yohanes, Zakharia amloho etno o limu aphe eleg ambeg epmano weregma, At Allahen wene yig ituk apag.

Yohanes 11:49

Yig isaruk apagma, ap it inomin misig inuk Kayafas, tahun misig etno fam Allah unde inowe suon etnowen yig isaruk wilil, “Hit hinapelehen-at uruk ahep-o.

Yohanes 11:51

Ariroho yig isebag ari, at akeleg-at ahla buruk apareg yig isebag fug-o. At ebe tahun misig etno fam Allah unde inowe suon welapag etno fam, At Yesus it Yahudi ap inake wararuhu ulug hurumbik-at yig isebag-o. Ariroho yig isebag ari, it Yahudi ap inakeleg-at inake wararuhu ulug yig isebag fug-o.

Yohanes 18:24

Ariroho yig epag ari, at Hanas etnowen At Yesus etno hele waroko at Kayafas Allah unde inowe suon etno wereg ambeg lahapfuruk apagma yig epag.

Yohanes 18:28

Eke fobik ilikia hubet At Yesus etno walug, Kayafas ibam epmanowen at Pilatus wene baltuk ambeg epmano imbik lebag. Imbik laruk apareg, it Yahudi ap esoho Paskah fobik esoko nuog ulug inahla buruk wilil, nit esoho nul fam ari, ninobam sabele am nowen ap Allah wene apelehon etno ibam kuk usa-o, ulug inahla buruk apareg, at etno ibam kebag fug.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Kisah Para Rasul 4:6

Wonggalik kuruk apareg, it Allah wene holal baleg unde inowe suon Hanas etno inim eke at Kayafas etno inim eke at Yohanes etno inim eke at Aleksander etno inim eke inomini nin obog inim wonggalik wapag.