Yohanes 18:12 - Allah Wene Hurumbik Keron

¹² Yig ituk apagma, it sehen seneg werehon epmano inowe inim, eke it Yahudi ap inosi epmano inimen, At Yesus ebe senetuk apareg, hele waroko walug, bilin at Hanas etno ambeg imbik lebag.

Yohanes 18:12 ပူးပေါင်းရင်းမြစ်များ

Matius 26:57

Wilip atuk apagma, it At Yesus hele waroko senepahon epmanowen walug, o at Kayafas Allah unde suon ibam etno imbik lebag. Imbik laruk apagma, it wene unde epmano inim eke it inowesi suon epmano inim o epmano wonggalik waharuk apareg welapag.

Matius 27:2

Wene baltuk apareg, At Yesus etno hele bisuemanggen fam waroko walug at Pilatus, Gu­bernur etno ambeg imbik lebag.

Matius 27:27

Og isaruk apagma, it Pilatus osi sehen seneg werehon epmanowen walug it inowe suon Gubernur etno ibam epmano kebag. Walug kuruk apareg, inomini sehen unde epmano obog At ambeg wonggalik wapag.

Markus 14:53

Eke at udag etno hite laruk heheg, At Yesus etno walug, at ap Allah unde suon etno ambeg imbik lebag. Walug laruk apagma, eke it wene baleg unde epmano inim, eke it wene unde inowesi epmano inim it obog at wereg ambeg wonggalik wapag.

Markus 15:1

O witiog ulug ahla healtuk heheg, it ap Allah unde suon epmano inim, it wene baleg unde epmano inim, it wene baltukon epmano inim obog-at wonggaleg wilil, wene baltuk apareg, At Yesus etno arat hele waroko walug at Pilatus ambeg lebag.

Lukas 22:54

Yig isaruk apagma, At Yesus ebe hele waroko walug ap Allah unde suon ibam epmano imbik lebag. Imbik laruk apagma, at Petrus etno o yatmen mug inaplug lebag.

Yohanes 18:3

Ariroho iluk wilil, orom yaho ambeg epma luk-o ulug ahla bebag. Ahla buruk apagma, it Allah unde inowesi epmano inim, it Farisi ap epmano inimen, it sehen seneg werehon epmano nin inim, eke it o Allah ibam yaharoho werehon epmano nin inim, lahap isa waharuk apagma, inayikangge ininggikmu waruk apareg, inaheral epmano fam fisako wapag. Ariroho wapag etno at Yudasen og inaplug wapag.

Kisah Para Rasul 10:1

Eke o Kaisarea etno ap misig inuk Kornelius welapag. At etno it Italiaon Roma ap sehen senehon etno inebe seratus inowe welapag. Epma inowe wilil, ap etno Allah akol welapag.

Kisah Para Rasul 21:31

Larepfuruk atusareg, at Paulus etno wabuog ulug surukmu, o Yerusalem etnowen inahahe anggolo narlog harlog suruk atusama, it Roma ap inowe sehen senehon etno ayonggo umburusama,

Kisah Para Rasul 21:37

At Paulus ebe o oag werehon etno fam imbik kuog ulug surukmu, at Paulusen it inowe etno yig ituk wilil, “An wene misig yig hirik-o,” ulug yig ituk atisimu, at it inowe sehen senehon etnowen yig ituk wilil, “Hat hune Yunani une uruk ahen hiyihi-o.

Kisah Para Rasul 23:10

Uruk atusama, it epmano winimug anggolo uruk atusareg weregma, at Roma ap inowe suon etnowen at Paulus etno iren wabuk nowen ulug akol haruk atisireg, at osi epmano yig isaruk wilil, “Hit ap obog wonggaleheson du inambeg kuruk atlihipseg, at Paulus walug o nit ninibam oag werehon etno fam imbik manu-o,” ulug yig isarisi.