Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanes 18:11 - Allah Wene Hurumbik Keron

11 Sarepsepfuruk apagma, At Yesusen Petrus etno yig ituk wilil, “Hat henggarog ubulukmu imbin-o. Hat ariroho suruk ahen ari, An Niknien ik honanggo og nepahon etno nikon fug ulug hahla behenteg suruk ahen ano? Eke At Yesusen nowabuk nowen ulug hite wilip arikon behen ano?” ulug yig epag.

အခန်းကိုကြည့်ပါ။ ကော်ပီ




Yohanes 18:11
22 ပူးပေါင်းရင်းမြစ်များ  

Yig ituk apagma, eke At Yesusen yig isaruk wilil, “Hit kino yig nituk ahep ari, hinapeleg-at wilil kino yig nerehep-o. Ariroho ehebon oke, An nahik honanggo nahukon etno hit nao fano behep ano?” ulug yig isaruk apagma, eke it etnowen yig ituk wilil, “Yu-o, Hat hahik nahunon etno nit nao fano at-o,” ulug yig epag.


Yig isaruk apareg, At etno horog-at laruk wilil, olohore kweanma wanduk uruk apareg, sembahyang uruk wilil, “Nikni-o, An nebe war nabukon ari sohorluk ambusu honanggowon ilitoho wereg etno, Haren na nowen ulug hahla buruk ahen halug, An ninggi ha nowen, Haren wimin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.


eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,


eke it Allah wene inapeleg wilil o kweanma duma werehon epmanowen ariroho inahla buruk-o. Yi angge di angge hinindi ebetuk ahebon epmano ari Hinikni boholmon etno iluk-o.


“Nikni-o, An ik sihon sohorluk fam honanggoma niog ulug suruk ahion du Hat hahla bulug elehepfin-o, ulug yig hirihion oke, Anden yig hirihion etno fam suk ari hai-o. Hat hindien bulug-at suk ari hag fano-o,” ulug sembahyang ebag.


Eke An Niknien yig nitukon epmano ilitoho suruk nealug, At ninim ninindi hunduhuk welahe etno hag, hit Anden wene yig hisaruk atikikon epmano ilitoho suruk hisalug, hit An ninim hinindi hunduhuk welamuhuk-o,


Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.


Yig ituk apagma, eke At Yesusen yig ituk wilil, “An nebe Inowe suon welamon etno kidia o kweanma dumen suon neken welahi fug-o. An nebe o kweanma dumen suon neken welatlemen, it Yahudi aben ebe senebuk nowen ulug, it An nomini epmanowen nili wim aplep-o. Ariroho aplebon oke, An nebe inowe suon welamon etno it ap o kweanma dumon inowesi suon wereg epmano hag welahi fug-o,” ulug yig epag.


Yig ituk apagma, eke At Yesusen yig ituk wilil, “An Nikni ambeg awan laharuk eleg neyeheg, hinggik sen nea fug-o. Ari halug, hat An nomini epmano inambeg lamihinteg, yig isaruk wilil, ‘At Ninowe etnowen hit An ninim Ninikni Allah etno ambeg laharuk ahi-o,’ ulug yig nerehek-o, ulug haren yig isa lag-o,” ulug yig epag.


Eke it wim aptuk wilil inasehen inasega holaruk epmano hag, nit it kweanmonen angge holaruk ahe fuhon oke, At Allahen oag werehon og nisarukon etno hag holaruk ahe-o.


Eke At Roh Kudusen yig nisarukmu yig isaruk aheon etno inim, eke aphe ninim demat ninindi hunduhuk welaheon etno inim, eke wene demat urukon yig isaruk aheon etno inim, eke At Allah oag fam ninoag weregsoho suruk aheon etno inim, niren obog-at suruk wilil yanggul isil nuruk ahe-o. Eke ininggik bikit fil warukon etno inim, eke ininggik harebag fil werehon etno inim ilitoho-at walug wim abil laruk apag etno hag, nit motoho suruk amon etno-at walug sil nuruk ahe-o.


Ariroho suruk wilil, nit ninindi demat ulug ebetuk amuhuken At Yesus ninolohot fil lebahon etno-at ninilanggen fikfag wenaharuk amuk-o. Eke At etno An e fam lenggaloko nowabuhup ulug akolen bok apag fug-o. Eke At etno An fobik nahien anggolo hahuk-o, ulug ahla buruk wilil, e fam lenggaloko waramon etno ari hai ulug ahla ebebuk sohorep isalug fanowon unug epahon etno holaruk apareg, At Allah horieg wereg ambeg inggik bikit fil horieg wereg-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ