Yohanes 17:9 - Allah Wene Hurumbik Keron

⁹ Ariroho iniluk atisireg fam, An it inake-at sembahyang uruk ahi-o. Ari halug, Anden it aphe kweanma werehon nin inake sembahyang uruk ahi fug-o. We it Hat hudaki Haren og nitikinon epmano-at inake sembahyang uruk ahi-o.

Yohanes 17:9 ပူးပေါင်းရင်းမြစ်များ

Lukas 22:32

Simon wai. Ariroho suhu ari fam, hat hindimuen demat ulug ebetuk ehenon etno eleg am nowen ulug hake sembahyang irikik ari fam hindi wereg atuk halug, haren it homini inindi werehep isahun-o,” ulug yig epag.

Lukas 23:34

Imbisaruk apagma, At Yesus etnowen uruk wilil, “Nikni-o, it ap An dag seko nombahakeson duma keroho suruk ahe ulug inindi ebereheg eleg yuhun-at suruk du, Haren inobam inapelegsoho hapma imbisin-o,” ulug ebag. Uruk apagma, it epmanowen At asum etno fuloko huluog ulug helep esag esag suruk apareg, fuloko holebag.

Lukas 8:34

Iken og inaplug laruk apagma, it ap wam inaso welapahon epmano inilanggen haruk apareg, hite wilip apag. Wilip atuk apareg, wam iken og inapahon wene etno aphe uma werehon inim, eke yabukmu werehon inim yig isil nuruk apagma,

Yohanes 14:16

Ariroho suruk hisalug, At Roh Kudus etno At An Niknien og hisawag ulug obam sembahyang uruk aruhukmu og hisahu-o. Og hisaruk halug, At Roh Kudus Yalmag hinaptukon etno nintul nantul hinim wilil, Aren wene demat uruk amon etno yig hisaruk aruhu-o.

Yohanes 17:2

Eke An nebe etno it yi aphe di aphe obog-at Inowe suon welamag ulug minduhup naharikinteg fam, Anden it aphe Haren og nitikinon epmano Anden iniluk welamon etno og isiog ulug suruk ahi-o.

Yohanes 17:20

Eke An sembahyang uruk ahi ari, it inakeleg-at inake sembahyang uruk ahi fug-o. Eke iren wene yig isil nurukmu it nin An nobam eberoko wahubon inim-at inake sembahyang uruk ahi-o.

Yohanes 17:6

Eke it yi aphe di aphe kweanma duma werehon epmano An nudaki welamag ulug fuloko og nitikon epmano Hat hebe iniluk amag ulug yig isarikik-o. Eke it inebe bilin Haren angge-at welatuson oke, fobik An og nitikin-o. Og nituk atikinmu, iren Hat hawene etno eberoko waruk atusareg,

Yohanes 6:37

Eke it obog An Niknien og nepahon etno hag nambeg waharuk amuhup-o. Nambeg waharuk isalug, Anden sohorep isahuk fug-o.

Yohanes 6:39

Eke At lahap nabik waharision etnowen duroho sukag ulug ahla burukon etno yig nituk wilil, it aphe Anden og hituk seyahon epmano misig sohorep isahun fug-o. Inebe obog-at o ari fam iniluksoho minduhup isahun-o, ulug yig nituk apareg,

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.

Wahyu 13:8

Ariroho suruk atisimu, eke it aphe kwe­anmon epmanowen inuk suontepfuru­sa-o. It ariroho suontepfuruson ari, bilin o kweanma awan wal ­haruk elegma At Wam Domba Udag wapahon etnowen angge aphe ini­luk welamon buku holal embebahon etno fam ininuk elehon halug, iren walo suon etno inuk suontep­furusa-o.

Wahyu 20:15

Nin eke niniluk wela­mon holal embebahon etno fam ininuk elehon halug, hondok olokma imbisarukmu harikik-o.