Yohanes 17:23 - Allah Wene Hurumbik Keron

²³ Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Yohanes 17:23 ပူးပေါင်းရင်းမြစ်များ

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 13:35

Ariroho wereg hisalug, it aphe obohen it ap du Yesus omini-at isehe-o, ulug yig hisaruk amuhup-o,” ulug yig isebag.

Yohanes 14:10

Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 14:23

At Yesusen yig ituk wilil, “It yi aphe di aphe An nobam inindi hunduhuk werehon epmanowen An nawene etno inesanggo holtuk wilil, ilitoho-at suruk amuhup-o. Ariroho suruk isalug, An Nikni etnowen it inobam indi hunduhuk wilil, An ninim inambeg waharuk amuhukseg, ninim mondog welamuhuk-o.

Yohanes 15:9

Eke hit ariroho suruk hisalug, hinebe An nomini-at welamuhup-o.

Yohanes 16:27

Ari halug, hiren An nobam hinindi hunduhuk wilil, At Yesus ebe etno Allah wereg ambehen-at ambik waharisi-o, ulug nobam ebetuk atikip etno fam, Aren hinobam indi hunduhuk wereg-o.

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Filipi 3:15

Eke anden yig hisihi etno hag, hit obog Allah wene fanoroho waruk ahebon epmano hinobabut arion-at welamuk-o. Eke hinobabut ninon welahebon halug, At Allahen dindiloko yanggul hisahu-o.

Kolose 1:28

Ari fam, At Kristus inuk etno aphe obog-at yig isaruk ahe-o. Eke At Kristus etnowen aphe obog fano inaptuk amag ulug inesanggo wareheg, eke wene yanggul iseheg suruk ahi-o.

Kolose 2:2

Allah wene etno hiniluk wilil, hinindi demat ulug ebetuk amuhupseg, hit hinoag weregsoho welamuhuben ulug hit hinake yabuk suruk ahi-o. Eke ari halug, At Kristus bilin heraho neken welapahon etno ebe iniluk atlug,

Kolose 3:14

Eke hele homaharuk etno hag, hinebe misig-at dambulig wilil, hinindi misig-at welamiek-o.

1 Petrus 5:10

Eke kidia horog dorat dahon etno hinobam umburukmu, fobik At Allah ninabua nisarukon etnowen fano hinabuhu-o. Aren At Kristus hinim ilitoho wilil, hinoag weregsoho welamuhuben ulug fano hinabuhu-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

Wahyu 3:9

Eke it iblis udaki epmanowen nit Yahudi ap-at ulug inenggal-at urukon etno, Anden hinolohotma imbisahukmu, inolohore wandukso­ho wereg iseheg, suontep hisahakup-o. Suontep hisaharuk wilil, hit hinebe An ninim nindi hunduhuk welahion epmano iniluk aru­hu-o.